日常素食 (已結業)

去完黃大廟，在黃大仙商埸兜個圈搵齋食， 商場比起以前變化很大食玩買應有盡有， 終於見到間齋舖，食放題的，好似好抵下午茶 只需68， 就去試試。環境感覺乾淨衛生，大約兩點鐘時段廚師陸陸續續添上新的食物。熱食方面有鹵水豆腐，還有很多炒瓜菜類新鮮出爐。炸物有天婦羅，矮瓜，蕃薯， 炸鮮奶， 芋頭魚，腐皮卷， 反沙芋頭等等。但唔敢食咁多因為怕食飽個肚， 但真係好吸引好好味。沙律新鮮，紅椒和青椒很爽脆。點心有馬拉糕，紫米糕， 蛋散和蒸紅豆糕，幾特別。整體甜品也不算太甜， 感覺比較健康， 我尤其喜愛紫米露，椰汁糕和桂花糕都好味。不得不提就是薑醋蛋，調得很入味，因為酸酸地，可以幫助消化。