房委會職員同樂會餐廳

營業中

休息中

何文田邨呢邊真係無野好食，連酒樓都做唔住易左手變成集團式經營。唯獨是呢度晚晚滿座，皆因以茶餐廳價錢，食到高於一般酒樓水準既食物，絕對係一家人食中菜既首選。先睇下餐牌，每款食物都真係平靚正架。同老人家食野要清淡啲，先黎一個粉絲雜菜煲，但味道一啲都唔會淡而無味。絕對足料不在話下，粉絲吸晒鮮甜既上湯，大家三兩下就清晒。屋企最近成日無飯開，想食返啲家常小菜，叫左碟咸蛋蒸肉餅。肉碎食得出係自家攪碎，唔會好「鞋」又新鮮。對老人家略嫌咸左少少。豆腐火腩班腩煲，呢個係我至愛。全部好入味，又香口，送飯一流。