27
9
2
港鐵何文田站 A2 出口, 步行約10分鐘 繼續閱讀
電話號碼
23359498
附加資料
只招待房署職工
營業時間
今日營業
11:00 - 14:30
17:30 - 22:00
星期一至日
11:00 - 14:30
17:30 - 22:00
*供房屋署職員及獲同樂會授權人士使 用
付款方式
現金 八達通
座位數目
200
其他資料
電話訂座
加一服務費
電視播放
以上資料只供參考, 請與餐廳確認詳情
食評 (43)
等級2 2024-01-27
610 瀏覽
今次去一間冇招牌冇宣傳, 但成日FULL BOOKING嘅中餐廳, 就喺何文田廣場隔離, 依間係房屋署職員同樂會餐廳, 午市只招待房署職員, 晚市開放比公眾可以食, 我地星期日下午5點9左右到已經好小位! 睇睇有乜食?! 雖然叫餐廳, 但係食中式酒家菜式沙拉骨 - 沙律醬唔太酸, 排骨大舊左啲, 骨亦多左啲, 排骨肉都淋, 味道唔太濃, 係有啲肉痴埋上唔到醬料.椒鹽鮮魷 -  剛炸起好夠熱, 炸漿薄夠脆身, 食落唔會成口油, 魷魚唔韌, 爽口鮮味熱辣辣嘅豆腐火腩斑腩煲 - 豆腐就最多, 不過味道唔差, 豆腐索左汁好食, 斑腩有啲削, 但都大大件, 份量都唔小, 蒜頭都好香甜, 但成個煲只有4件火腩,  而且比較細件同肥左啲.魚香茄子煲 - 上檯時仲熱辣辣, 份量都唔小, 食如香茄子煲已好小有咸魚粒, 今次係有咸魚加埋肉碎好香! 唔會好咸好濃, 味道剛剛好, 茄子好淋又唔太油炸子雞 - 雖然隻雞唔係好大隻, 但雞肉嫩滑, 本身隻雞唔太肥所以油唔多, 比位近骨嘅雞肉都夠熟, 唔會有血水,雞皮勁脆依個芝麻蝦都好食, 蝦都幾大隻, 蝦肉爽口剛剛熟唔太老, 炸漿都係薄薄一層, 好夠脆但唔會成口粉, 唯一係個沙律醬小左啲, 同個芝麻係後加, 唔係加入炸漿黏上蝦度.食飽就送上 綠豆沙及紅豆沙 糖水, 唔係好起沙! 綠豆沙臭草都唔太勁未, 味道都係唔太甜, 好食我地食左兩次先寫食評, 所以有兩款糖水.依度茶芥2位只收10蚊, 仲唔收加一, 勁抵食, 食左兩次食完冇頸渴, 佢地應該冇用味精, 晚市會收信用卡, 訂位要8位或以上, 有興趣嚟試試 繼續閱讀
(以上食評乃用戶個人意見 , 並不代表OpenRice之觀點。)
等級3 2023-10-02
1305 瀏覽
一行8人預早做節,book左7:00pm.全埸爆,可能係中秋前,大家都提早做節,有d食物可捉早預訂,食物尚算ok,價錢亦算合理,地方大,人多飯局可以值得一試。 繼續閱讀
(以上食評乃用戶個人意見 , 並不代表OpenRice之觀點。)
等級4 2023-09-08
1182 瀏覽
今次嘅飲茶 只係三人叫三餸😂🫖有魚香茄子、魚柳西蘭花、豆腐~我覺得茄子真係好令人食慾增加 從而不斷送飯食🍆而西蘭花都OK㗎,不過魚柳真係…我麻麻地佢啦🥲豆腐就係類似紅燒豆腐咁 繼續閱讀
(以上食評乃用戶個人意見 , 並不代表OpenRice之觀點。)
等級1 2023-07-27
1265 瀏覽
本來對呢間食肆印象好好,今晚再一次光臨,問侍應有什麼海鮮推介,佢推介左一碟龍躉枝竹火腩,等左一個半個仲未到,催左3次,終於到咗,食食吓發現原來五係龍躉, 於是搵職員了解,職員堅稱係龍躉,於是唔再糾纏落去,到結帳返屋企睇返張單先發現原來真係比錯咗,張單寫住斑腩,早知斑腩就五叫啦,呢個完全係一個欺詐。希望職員下次唔好再欺騙人啦,係斑腩就講斑腩,唔好同客人講龍躉啦,令到客人有期待,仲要用貴啲嘅價錢去食,如果等咗咁耐係因為冇龍躉嘅話就直接同客人講,等客人可以改其他餸。 繼續閱讀
(以上食評乃用戶個人意見 , 並不代表OpenRice之觀點。)
等級2 2023-04-04
2912 瀏覽
既然夜晚不是員工都食得,今晚有機會一班人食飯,就試下呢間同事話大件夾抵食嘅餐廳。特色菜色要早幾日預訂,但要去現場落訂,係附近住就會方便啲。先黎一個大蝦沙律,見好多人叫,不過都其實只係一盤大蝦加生果,當係飯前果吧。再黎就係黑蒜海底椰燉竹絲雞,好甜,無味精,係屋企煲足料嘅味道。即場叫左沙薑豬手,呢個好味,入味,豬手爽!然後上枱嘅係羊架,同枱有人曾經食過,推介必食,無錯!好冧,只得少少羊羶味,不錯,係有少少涼左,再熱啲上枱更好!跟住一次過上埋燒鵝同牛腩煲加蒜蓉包,成枱都係野!燒鵝新鮮,我無點醬都好好食,有少少肥,有油香,皮脆肉嫩!至於牛腩呢,係普通好味嘅咖喱腩,係無驚喜姐,但蒜蓉包就好好味!大大件,外脆內軟,蒜蓉香,就咁食已經好好味,索埋啲咖喱汁仲好味!我哋仲叫左薑蔥炒蠔,蠔好大隻!又入晒薑蔥味,都幾正!最後係紅燒龍躉旗,超大份!賣相贏晒!不過我個人覺得有啲老,同事就話龍躉係咁,唔會好滑,而且要連皮食先好味,好多骨膠原,哈哈!有人識食就好了!仲叫左個菜,唔多講。八餸一湯,八個人,盛惠每人$370。 繼續閱讀
(以上食評乃用戶個人意見 , 並不代表OpenRice之觀點。)