佳美去骨海南雞 (已結業)

最近調左office去左深水埗返工，呢到真係一個美食福地，周圍都係餐廳，而且好多都係平靚正，呢日放工之後就同同事到附近食海南雞。呢度啲野食都幾抵食，仲有全日供應既下午茶餐，佢既份量係少啲，價錢亦都平啲，最岩我呢啲細食既女仔！呢度有好多東南亞菜式，不過我地兩個都想試下佢既招牌，所以就點左海南雞飯，我比較細食，所以就點下午茶餐。海南雞飯係會配一碗湯。海南雞好嫩滑，肉味香濃，啲飯又唔會太油，正啊！仲有埋青菜，夠哂健康！