韓舍 (已結業)

今日同朋友去完跑馬拉松之後，個人又累又餓！梗係想搵Ｄ好野食填飽個肚啦！於是就衝左出旺角，搵ｄ平靚五既放題！講到好野食，當然唔少得創興廣場啦！呢度每逢晚上就會勁多人排隊搭ＬＩＦＴ上樓食野。今晚我地都唔例外～ 簡左一輪，最後同朋友都選擇左韓舍！聞名已久，但一直都未試過。上到去，見到間野都真係幾大間，而且仲坐滿哂人～好熱鬧啊！等左唔夠５分鐘，侍應已經安排好位置比我地。間野的確裝潢得好舒服，好新淨！最重要係座位夠哂闊落，一大班人一起食韓燒放題都唔怕會逼坐低之後侍應同我地點著個爐，我地就梗係出去拎野食啦～由於有得燒野食既關係，我地都毫不客氣咁拎左好多肉類，有肥牛，牛柳粒，雞腎，魷魚等等～樣樣都新鮮，而且醃得好美味，以呢個價錢黎講，質素真係唔差，絕對岩哂中意食肉既朋友們黎！ 至於海鮮類方面，我地仲叫左條秋刀魚，嘩！條條咁勁大條！多春魚都好新鮮～毫不馬虎，更加要讚既係，由於我地一直都係燒野既關係，往往好容易令到件衫有一大陣煙味，或者頭髮都成陣味。但呢度每張台都特別安排左一個小煙囪，可以抽哂Ｄ油煙出去唔會令到成間店都烏煙瘴氣！ 如果唔中意食燒野既朋友，呢度亦有好多吸引既小食，同埋甜品～選擇多都食唔哂～