台灣館 (已結業)

今日一行人一齊去到呢度食嘢，冇諗過會平靚正得黎，仲好好味道！大家一去到不約而同俾佢啲一鍋鍋吸引咗，見到有好多唔同嘅選擇！麻辣烤魚麻麻辣辣，仲有一個火爐興住！所以食落都好好味！一家大細都話好吸引！同行友人雖然唔食得辣，但係都忍唔住係咁偷食少少。酸菜魚酸菜魚就比較溫和，但係湯底撈飯都好好味！本身仲叫咗個刀削麵配鹽酥雞扒，都忍唔住偷咗酸菜魚啲湯嚟撈！呢個湯底真係飲落好好味！魚肉就份量比較少，入邊仲有好多芽菜同埋雲耳。麻辣雞鍋呢個就真係辣咗少少！個個都食唔到，明明我哋都係叫咗小辣。但係辣得來啲薯仔又好好味。