麻市滋味館 (已結業)

有朋友從外国回港，要我帶她行廟街，行完睇完就要滿足五臟廟，本來在廟街食海鮮但衛生麻麻，上網搜尋發現附近有間叫常麻市滋味館海鮮飯店。飯店裝修不算華麗但整潔，比廟街食肆已贏兩條街。坐下後，就問下店主有乜好介紹，我地六個人叫椒鹽豆腐，羌沖鮮鮑魚煲，黃金蝦，清蒸大方利，糯米蒸蟹，瑤柱蛋白抄飯，生抄骨。本來是叫石班的，但店主極力推介大方利，外表一般，但店主保證好食過石班，否則唔收錢，未食過就試下。椒鹽豆腐外脆內軟而且十分香口，乾身不油膩。黃金蝦外脆香內肉質鮮嫩且彈牙，不太咸，自隊了三件，好味到停唔到口。生抄骨镬氣夠，少骨多肉且入味。鮮鮑魚煲無得彈，鮑魚入味，肉質鮮嫩彈牙到你都唔信，靜靜雞連下三城，現在唸番都回味。但驚起一浪接一浪，蛋白抄飯連清蒸大 方利一齊上，抄飯粒粒都入味乾身爽口，配第次品嘗的大方利，魚肉鮮嫩都不得了，我連忙讚賞店主好介紹，店主自豪地說大方利下次想食要預早訂的，不是常有。下次都要再食大方利和鮑魚，之後上糯米飯蒸蟹，本來已飽飽地，店主提議襯熱食，裝了半碗試下，不試還好，一試又停唔到口，蟹羔連蟹鮮味完全滲入糯米飯中，真係好食到無野好講。 總括而言，食海鮮食麻巿滋味館。