Mee...lemongrass (將軍澳中心) (已結業)

呢排少咗出街食飯，有時食飯都會選擇一啲近啲嘅餐廳，方便食完就返屋企。去到將軍澳中心，見到依間食東南亞菜嘅餐廳，都幾吸引。嗌咗個小食拼盤，入面有雞翼、串燒、酸辣無骨鳳爪、蝦餅、春捲等，好豐富。蝦餅非常脆，蝦肉彈牙爽口，一定要試。串燒味道唔錯，附上嘅沙嗲醬好惹味。鐵板牛柳粒嘅黑椒味好香，鐵板上枱夠熱辣辣，味道濃郁，可以拎嚟撈飯。鐵板蠔仔炒蛋嘅蠔肉大大粒，食起嚟好鮮甜，而且夠有鑊氣，雞蛋好香。底下雖然少少油，但好味就冇計啦。軟殼蟹米紙卷好清新，好多蔬菜，加上蟹肉脆卜卜，好好食。價錢唔算貴，人均都係百零二百蚊，將軍澳嚟講都可以， 質素都唔錯 ，可以列為平日食飯之選。