和氣食堂 (河畔花園)

營業中

休息中

沒有想過係大涌橋路附近會有間咁正既日本餐廳。 這裡真係唔係朋友帶都唔會過黎。 因一向沙田既活動地方我都只係識新城市。 今次黎探朋友, 佢就帶我開眼界。 一般放工時間, 7點半, 雖然門口未排隊但入面竟已坐滿人, 真係深得街坊心。我去入去坐底, 都係好一般啦，忽然就見隔離有個好熱既飯, 倒湯入去既湯飯, 好似幾特別。 老闆話, 只有沙田店先有這個魚湯飯, 黃大仙分店都冇，係佢地招牌。 一聽到咁就更係要試啦。 跟住朋友仲介紹左燒牛舌，天婦羅蝦, 軟殼蟹飯劵, 同雜錦刺身。魚湯飯首先黎到, 老闆介紹係用個熱鍋倒入熱魚湯, 熱熟飯上既魚生和令個飯入味。 過程精彩, 食落仲精彩。 老闆真係冇介紹錯, 真係第二度好少有得試, 值得推介。 而其他食物都真係要讚，刺身好新鮮, 可以比美有名既食店, 天婦羅蝦夠大隻, 最重要不油不厚粉, 牛舌仲要出奇地爽厚。 其實好怕食到厚身牛舌好"銀", 佢可以做到咁爽真係好犀利。所以整體真係幾超班。非常滿意的一間日本餐廳。