影片
更多
2024-03-02
243 瀏覽
將軍澳自從多左新樓盤後，附近開左唔少小店，今晚就試下區內都幾受歡迎，出名性價比高的意Six Café。 意Six Café舖面唔算大，不過都有幾多食物款式，呢度比較出名係即炒意粉同埋近期天氣凍所以限定推出的一人小火窩。<一人小火窩‧荷蘭A級豬腩片小火窩>一開始以為得4塊豬腩片唔算多，但其實佢每一塊都好長，我覺得其實有8塊。望落去可以話正常，但煮完後肉質都唔鞋兼有肉味，點埋芝麻醬都幾夾。另外不得不讚呢度的湯底，今次揀左意式番茄湯，湯底係飲到好濃郁的番茄味道兼夠清，同時都幾肯定無味精，最後我地當湯黎飲。而呢個餐仲包左松葉蟹棒、芝士竹輪、鳴門卷、粟米、兩棵蛙蛙菜、金菇同埋本菇，配料非常豐富。而我地加8蚊仲可升級日本稻庭烏冬，仲要有兩舊。我有懷念呢個其實係2人餐黎，而價錢只係$73蚊，非常抵食。<港式卡邦尼炒扁意粉>呢度標榜即炒意粉，所以上枱時都真係熱辣辣。而最大驚喜係呢度用的煙肉好多好大塊，好似無理會成本咁。煙肉又唔會過鹹令你食到厭。醬汁幾惹味又掛到汁，配合扁意粉就岩晒。咁我地晚餐唔想食丹麥多士，所以諗住加$4轉脆脆薯角，諗住都係會俾幾舊，點知一上枱係成盤，最
<一人小火窩‧荷蘭A級豬腩片小火窩>
一開始以為得4塊豬腩片唔算多，但其實佢每一塊都好長，我覺得其實有8塊。望落去可以話正常，但煮完後肉質都唔鞋兼有肉味，點埋芝麻醬都幾夾。
另外不得不讚呢度的湯底，今次揀左意式番茄湯，湯底係飲到好濃郁的番茄味道兼夠清，同時都幾肯定無味精，最後我地當湯黎飲。
而呢個餐仲包左松葉蟹棒、芝士竹輪、鳴門卷、粟米、兩棵蛙蛙菜、金菇同埋本菇，配料非常豐富。而我地加8蚊仲可升級日本稻庭烏冬，仲要有兩舊。我有懷念呢個其實係2人餐黎，而價錢只係$73蚊，非常抵食。
<港式卡邦尼炒扁意粉>
呢度標榜即炒意粉，所以上枱時都真係熱辣辣。而最大驚喜係呢度用的煙肉好多好大塊，好似無理會成本咁。煙肉又唔會過鹹令你食到厭。醬汁幾惹味又掛到汁，配合扁意粉就岩晒。咁我地晚餐唔想食丹麥多士，所以諗住加$4轉脆脆薯角，諗住都係會俾幾舊，點知一上枱係成盤，最後出盡力都食唔晒。另外都加左碟小食酥炸魷魚，炸得都幾鬆脆，配埋芥末蜜糖醬都幾夾。
整體而言，如果我住係將軍澳，應該會將意Six Café變成飯堂或外賣選擇之一。呢度抵食兼大件，一人火窩份量直逼兩個人，小食份量又多，而西式意粉亦整得唔錯，絕對值得推介。
張貼
