意Six Cafe (已結業)

評分: ★☆☆☆☆ (1星)你估我係等緊食飯定等緊坐監呀？話半個鐘有得食，點知一去到就話要等多半個鐘，結果等足成個鐘先見到啲嘢食，真係笑死人咩。我個肚餓到打鼓，差啲以為自己係去咗非洲做義工。最衰嘅係，等咗咁耐，啲嘢食仲要唔齊添！叫咗五樣嘢，得三樣先到，剩低兩樣就好似人間蒸發咁。問侍應，佢就話「等緊上」，等到我頭髮都白晒都冇見個影。我諗我下次去佐敦石窟都仲快過喺呢度等食。最後成個鐘先等到啲嘢食齊。啲嘢食又唔係咩特別，普普通通嘅味道，真係唔值得等咁耐。我諗我喺街邊買個魚蛋粉都仲抵食過。起碼要俾個準確嘅等候時間同埋上齊啲嘢食啦！咁樣玩嘢，真係以為客人個時間好多咩？我嗰日嘅心情就好似坐咗過山車咁，由期待到失望，再到憤怒，最後就係後悔嚟呢度。總結：冇下次。寧願喺街邊食垃圾桶嘢食都唔會再嚟呢度。各位OpenRice嘅朋友，小心啲啦！呢間餐廳真係食完一次等於俾人呃咗成個鐘，仲要食唔飽添。如果你嘅時間真係太多，不如去睇場戲，起碼仲有娛樂。

都知呢間嘢多人叫要等好啦今次真人去到現場叫外賣自取以為應該會畀面快少少啩？佢就話等15-20分鐘點知一坐就半個鍾都未有要提佢先至如夢初醒發現未執我個單最後夠膽死等足45分鐘先出到個餐人地遲嚟過我嘅堂食order埋食埋走埋都未到我現場有兩三個外賣師去到時話要等多25分鐘好冇癮咁走咗十幾單袋外賣未出叫呢間外賣應該個客餓死都未有得食做車手就今夜淨做你一張單重有個鋪堂食位等咁耐啲烏蠅就飛足咁耐做唔切就咪接咁多單拖字訣再好食都冇下次

係網上外賣平台叫, 等左足足60分鐘都話取餐中. 打電話去餐廳, 店員話未做到我將單. 我明白餐廳係小店, 星期日可能會忙少少. 但明知自己做唔切就唔好接外賣. 直接暫停其他外賣平台. 唔好俾假希望想食飯嘅人. 外賣都等甘耐, 堂食唔知等幾耐？

同一區外賣等候時間兩小時，送少一個餐和嘢飲，再送齊來的時候，總共兩小時30分鐘，全部都是凍的，侮辱食物，十分過份的餐廳圖中是一個日式洋蔥牛肉蓋飯，飯身硬，肉量少，像廚餘強烈建議所有人都遠離這家餐廳，整個用餐體驗簡直是災難重重。

👍🏻韓式海鮮泡菜豆腐湯扁意粉 $70 7/10呢個係期間限定嘅韓式料理，湯底加左泡菜同辣椒粉變得微辣酸爽好刺激，配料都俾得好大方，有蝦仁，魷魚同蜆仔，豆腐滑捋捋，吸埋湯底融合綿密嘅口感～仲有不同蔬菜都保持到爽脆嘅口感～配扁意粉係幾新奇嘅配搭～有啲似茶記同韓國菜嘅fusion，扁意粉口感唔錯，有咬口得嚟唔會太硬，又唔會索晒啲湯變淋～👍🏻法式紅酒燉牛肉配時蔬 $69 （轉炒飯+$4） 7/10牛肉燉煮左好耐，纖維都已經有啲融化，令牛肉口感好柔軟，一咬就會化開～紅酒汁經過長時間燉煮都好濃郁，令牛肉嘅風味同醬汁相融！加左$4轉左炒飯，係調味簡單嘅蛋炒飯，唔會過鹹，飯粒亦都粒粒分明～✨脆辣單骨雞翼配蜜糖芥末醬 $36 7.5/10雞翼都係期間限定小食，上菜時熱辣辣同脆卜卜，有啲似CP雞翼🤣相信大家都同意炸雞翼一定要夠熱先好食！蜜糖芥末醬又係百搭之選～甜甜辣辣木惹味！👍🏻跟餐嗌左熱美式咖啡同熱鮮奶咖啡，都係正正常常～👍🏻小店經營有誠意，份量充足，而且呢個價錢冇加一可以算係十分抵食！⛩環境👉🏻環境唔大，只有幾張枱，但係位置都好闊落，坐得舒服～💁🏼‍♀️服務👍🏻店員有禮貌👛人均消費 ~$87(冇加一)⏱

一間細細的小店，環境寧靜舒適，食物多元化😃提供多款沙律🥗意大利粉🍝及西式飯餐🍛香辣的韓式泡菜，搭配厚切豬五花🥓快鍋熱炒出來熱騰騰的炒飯，擺上半熟太陽蛋🍳帶點辣味之餘口感又夠香口😋紅酒汁燉煮的牛肉，風味濃郁多層次🐮香醇的紅酒香氣在鼻尖飄散🍾湯汁散發著葡萄酒酸甜的香氣🍷口感入味且軟嫩，送飯一流🍚意粉用上白汁好creamy，蝦肉新鮮彈牙🦐還有兩大隻青口😍意粉口感Al dente有質感😙

將軍澳自從多左新樓盤後，附近開左唔少小店，今晚就試下區內都幾受歡迎，出名性價比高的意Six Café。 意Six Café舖面唔算大，不過都有幾多食物款式，呢度比較出名係即炒意粉同埋近期天氣凍所以限定推出的一人小火窩。<一人小火窩‧荷蘭A級豬腩片小火窩>一開始以為得4塊豬腩片唔算多，但其實佢每一塊都好長，我覺得其實有8塊。望落去可以話正常，但煮完後肉質都唔鞋兼有肉味，點埋芝麻醬都幾夾。另外不得不讚呢度的湯底，今次揀左意式番茄湯，湯底係飲到好濃郁的番茄味道兼夠清，同時都幾肯定無味精，最後我地當湯黎飲。而呢個餐仲包左松葉蟹棒、芝士竹輪、鳴門卷、粟米、兩棵蛙蛙菜、金菇同埋本菇，配料非常豐富。而我地加8蚊仲可升級日本稻庭烏冬，仲要有兩舊。我有懷念呢個其實係2人餐黎，而價錢只係$73蚊，非常抵食。<港式卡邦尼炒扁意粉>呢度標榜即炒意粉，所以上枱時都真係熱辣辣。而最大驚喜係呢度用的煙肉好多好大塊，好似無理會成本咁。煙肉又唔會過鹹令你食到厭。醬汁幾惹味又掛到汁，配合扁意粉就岩晒。咁我地晚餐唔想食丹麥多士，所以諗住加$4轉脆脆薯角，諗住都係會俾幾舊，點知一上枱係成盤，最

👉將軍澳餐廳貼地餐廳推介！🚝由地鐵站行過黎5分鐘左右，佢提供西餐、小食同飲品，種類亦算多元化🤲🏻🍲一人海鮮小火鍋（$80）非常足料，除左有帆立貝、青口、魷魚，仲有一大盤蔬菜同一碗白飯，一人食份量十足，滿足感爆燈😍🍝意式番茄醬大蝦海鮮炒扁意粉（$60）熱辣辣送上，味道酸酸甜甜，既好食又開胃！🥔另外+$4轉薯角，佢炸得外脆內軟，推介推介！👍🦑炸魷魚鬚（$38）夠曬香脆，多人分享會比較好！🏠

今次泥到將軍澳就試左呢間意Six Cafe 餐廳中間有一條走廊分隔開堂食位置同收銀, 廚房  開放式既設計令到餐廳更加有空間感 坐都坐得舒服D 意Six Cafe位於The Parkside地舖 呢間小店十分之抵食  晚餐都係大約$60幾就有齊主食同野飲 而且食物質數都相當唔錯～  我地就試左以下幾款  1. 蜆肉煙三文魚炒扁意粉配丹麥多士（白酒忌廉汁） $62 意粉煮得好彈牙同埋炒得夠乾身！忌廉汁既味已經融入哂係個意粉到 而且蜆肉煙三文魚份量十分豐富! 呢個價錢估唔到可以咁足料！大滿足！ 我地仲另外加左＄2轉香草芝士多士 ～十分之惹味香口！如果有餐湯點埋就更加Perfect池！   2.大蝦海鮮炒炒扁意粉配丹麥多 （意式蕃茄醬）$60 配料都係一樣咁豐富！意式蕃茄醬酸酸甜甜好開胃～ 成個意粉大大份麵只係$60蚊！ 真係好抵食  3. 香香炸雞（墨西哥式芝士醬）$38 炸雞好脆口！肉質都好嫩滑Juicy 點埋芝士醬一齊食十分滿足  4. 酥炸魷魚鬚（韓式甜辣醬）$38 魷魚鬚炸到好香口！炸粉又唔會太厚 好味！  總括泥講係將軍澳用$60蚊就食到咁豐富既晚餐 性價比真係好高！大家快D泥試

Cafe 性價比好高，所以想介紹俾大家，雖然地方唔算大但坐落都好舒適，服務又好👍🏻🍝［蜆肉煙三文魚炒扁意粉配丹麥多士］$60意粉口感一流，非常爽口又彈牙💯每條意粉都掛滿濃郁既白酒忌廉汁，仲有啲煙三文魚超足料，真係每一啖都食到三文魚，誠意之作👍🏻（P.S醬汁除左白酒忌廉汁仲可以揀意式蕃茄醬添）🍝［韓式肥牛雜菜炒扁意粉配丹麥多士］$70意粉口感軟硬適中，唔會太淋，亦唔會太硬，肥牛經過韓式醬汁醃製，充分吸收左醬汁嘅風味，配埋紅蘿蔔同雜菜口感層次豐富🍗［脆辣單骨雞翼6件配蜜糖芥末醬］$36雞翼即叫即炸，炸皮夠薄，香脆可口，中間肉質鮮嫩多汁， 配埋甜甜嘅蜜糖芥末醬，正👍🏻🦑［酥炸魷魚鬚配蜜糖芥末醬］$38魷魚鬚新鮮炸起，好酥脆點埋蜜糖芥末醬一齊食呢個配搭真係冇得輸，包保你食過返尋味 必食！環境⭐️⭐️ ⭐️ 性價比⭐️⭐️ ⭐️ ⭐️ ⭐️推薦度⭐️⭐️⭐️ ⭐️人均消費:$105 (免加一)整體分數:96.87分

將軍澳嘅朋友，如果平時想食一人邊爐，想坐得舒服啲又唔想去快餐店，可以考慮下去嚟呢間Cafe，一舊水有找仲唔收加一。佢哋有三款火鍋揀，我就叫咗個美國肥牛片小火鍋（$88）配意式蕃茄湯底，但等咗差唔多半個鐘先到😅肥牛有四大片，但都偏肥。配料好豐富，有蟹柳、芝士竹輪、鳴門卷、娃娃菜、粟米、金菇同埋本菇～仲跟個醬油，我就揀咗日式柚子醬油，酸酸甜甜幾開胃。個餐跟白飯，+$8可轉稻庭烏冬😋另外嗌咗個韓式肥牛雜菜炒扁意粉（$78）意粉有啲驚喜，炒得幾香口。唔知點解叫韓式，似日本多啲。個餐仲配塊丹麥多士，烘得幾脆口，但就咁食有啲dry，如果加啲牛油會更好。意粉餐可以跟份田園沙律（+$8），配上乳酪醬唔錯。香香炸雞（$38）配水牛城醬就好普通，食落唔太香脆，炸粉同雞皮多過肉。

呢間啲早餐真係好好食，2字頭真係你好難係澳南搵到，最緊要係平得黎好食，我住樓上，基本上澳南啲早餐好多都試曬，不過呢邊人流真係比較小，希望鋪頭撐到，其實佢地既野食真係好用心整。

意six cafe - 一間將軍澳南嘅小店，主打港式西餐，街坊價，期望不要太高黑松露蘑菇雞肉烏冬可選擇意粉或烏冬，配黑松露忌廉白汁，雞肉係分開煮，似乎用左氣炸鍋，脆口但好乾，食落有少少雪味。意粉份量不多，男士未必夠食，還好跟餐配多士，唯需留意多士上什麼醬也沒有，冇乜味道。送飲品。以將軍澳南晚餐嚟講，$60唔貴，性價比高，但同時期望亦不要太高。不過不失。

等小朋友興趣班下課，嚟左呢度超好hea 嘅輕食咖啡店， 十幾蚊一杯咖啡仲平過七仔，都有美式/latte/ cuppacino 等，味道都唔錯，幾香濃，地方光猛坐得舒適而且店員幾友善， 慢慢坐睇下書都唔會趕，有機會試下d 食物先.

呢度嘅煙三文魚田園沙律真係好正喔！唔單止夠新鮮，仲有四款唔同嘅沙律醬可以揀添！有Ｄ人中意意式香草油醋汁嘅清爽風味，有Ｄ人就偏好牧場乳酪醬嘅濃郁口感。羅馬凱撒醬就係經典，而和風柚子沙律汁則帶有Ｄ亞洲風味嘅酸酸甜甜。每款醬汁都有獨特嘅風味，搭配上煙三文魚，真係好開胃！佢哋嘅大蝦卡邦尼意粉都係一絕！意粉嘅軟硬度剛剛好，醬汁濃厚，所有元素都拿捏得岩岩好，令人回味無窮。如果你中意炸雞，一定唔可以錯過佢哋嘅美式炸雞球！加少少錢就有喇，好好食！真係物超所值！有Ｄ人中意意式香草油醋汁嘅清爽風味，有Ｄ人就偏好牧場乳酪醬嘅濃郁口感。羅馬凱撒醬就係經典，而和風柚子沙律汁則帶有Ｄ亞洲風味嘅酸酸甜甜。