爭鮮迴轉壽司 (已結業)

相信大家對爭鮮都應該好熟悉，好多人都食過佢既外賣壽司，而其實佢既迴轉都值得食，雖然價錢比外賣貴d，不過材料新鮮d，而且款色多d，三不五時都有新食品推出。如果一個人想簡簡單單，平平地坐底食下壽司，爭鮮絕對會係當中既首選。不過食物質素就好睇分店，呢一間我覺得還好，比起其他分店就一般左d，個人會比較推介銅鑼灣果間。呢一間我會推介佢即場燒既火炙三文魚，貪佢夠新鮮，而且燒得好味，每次出菜，都會立即俾人拎哂。而佢新推出既蠔壽司就一般般，建議都係食返大路既壽司會比較好，例如三文魚、鰻魚、八爪魚等等。食清酒煮蜆好睇運氣，咁岩我食果碟無沙，不過隔離果碟就好多沙，見住佢地食左幾集都吐出來，可以既話盡量睇清楚先好拎。 天婦羅就要食即叫既，因為迴轉帶上既可能係已經擺左一排。