鐵板大師

營業中

休息中

今次嚟到沙田《鐵板大師》，鐵板香氣實在太吸引，令人忍唔住都要入去一試🔥。餐廳冷氣夠勁，坐低舒服，唔會食到一身汗！主菜叫咗特濃爆蒜牛仔骨，牛仔骨煎到外層微脆，肉質保持嫩滑，啖啖肉夠晒實在，最重要係蒜香濃郁，完全無油膩感。配埋甜粟米、西蘭花、紅蘿蔔，營養同口感都有兼顧。另一道煎焗三文魚都令人驚喜，魚皮煎得酥脆，魚肉厚實，配返燒汁平衡咸香，食完非常滿足。司華力腸大大條，咬落爽彈多汁，啖啖肉好有口感！套餐跟餐仲有粗身薯條，外脆內粉，油分唔多，食極唔會滯。磨菇忌廉湯滑溜香濃，入口有層次，幾意外地冇因夏天而覺得heavy，反而啱晒撐住個胃。意粉可任加真係超佛心，加埋蒜香醬汁拌埋，簡直係隱藏版加分位。飲品揀咗C.C Lemon同可樂，整體食完個人覺得份量超飽足，性價比高，啱晒放工、假日搵個舒服冷氣位慢慢歎返餐。值得推薦💯。