漁民麵館 (已結業)

每晚過左九點，又到搵宵夜時間，經openrice既推介後，黎到今晚食既依間餐廳：漁民麵館。都係平時既橋段，我地開車過黎，附近有停車場同咪錶泊位，亦都好近輕鐵站巴士站，無論開車搭車人士非常就腳。店內裝修好有中國風，光潔簡約，店內廣告板表示餐廳推崇‘養生’‘健康’。至於店員好有禮貌，我叫左食物之後都會向我地推薦飲品同燉品，經推薦後我都叫多兩杯熱飲。飲品或甜品都係傾向較健康嘅熱飲或燉品，食物主打今次既主題「花膠」貫徹左餐廳嘅風格。好快食物就開始上到枱，先黎既係餐廳主打菜「花膠湯麵」，依個花膠湯麵用料十足，用上左好多花菇同花膠，所以聞到有濃濃嘅花菇味，因為係勁多花膠既關係，食落去有種好滿足嘅感覺，而且湯底味都好濃郁，非常好味再黎係「花膠雞絲翅」呢個一食落好誇張，用咗超多花膠，同超多冬菇絲，多到食唔晒咁多，而且花膠煮到漿住過口，依個翅物超所值山楂雪梨茶，雪菊柚子茶兩杯茶用既杯都好靚而且兩杯茶既清甜將花膠嘅膩減去，配搭得天衣無縫，雪菊柚子茶仲用上大量雪菊，增強清香嘅感覺依餐非常滿足，無論裝修，整潔，服務，食物，價錢同係非常好既選擇