吉豚屋吉列豬扒專門店 (已結業)

其實淘大自沙士後變化得好大! 淘大愈來愈多食肆店舖! 依間餐廳好多時經過! 不過每次都好奇怪咁…睇唔到依間! 今次去食因為上開飯搜尋過才知有依間， 其實我有諗過唔去!因為好似全間都係食炸物，見人地食評咁好就去試下!可能平日7點左右仲早! 唔多人得5-6檯客! 我一去到比咖喱飯既相吸引住! 朋友都係! 所以同樣都係叫咖喱飯! 一個係吉列咖喱豬扒飯(竹) (竹即係豬扒SIZE大舊D)!另一個係吉列咖喱雞扒飯! 兩個都好好味! 唔食得辣既我依款咖喱啱哂我! 因為咖喱完全唔辣架! 如果鍾意食辣既可以落檯旁既七味粉! 仲有提供芥末醬(我覺得點吉列豬扒黎食都唔錯)、芝麻醬 (配椰菜絲一流，不過我絛點到! 因為太飽啦)!好在事前比左d飯比朋友先!因為對女仔對講飯多!男仔都唔太足夠! 加上吉列豬扒雞扒份量夠，不過我覺得咖哩可以再多dd! 點左杯咖啡同巨峰特飲!不過咖啡同巨峰特飲都一般! 唔太好味…! 之後去睇鐵甲奇俠3!好好睇! 可惜已開始喉嚨痛! 吉列係好味! 今早起身喉嚨痛得更利害!不過我都會下次再幫襯!哈