79
28
6
港鐵九龍灣站 B 出口 繼續閱讀
所有分店 (8)
電話號碼
23511899
開飯介紹
吉豚屋在日本有超過250間分店,以經濟實惠價格攻港,經營模式跟足日本總店,只需5至8分鐘即可完成一碗招牌的滑蛋吉列豬扒飯。 繼續閱讀
獎項殊榮
最優秀觀塘開飯熱店 (2013-14), 最優秀開飯日本菜餐廳 (2014)
營業時間
今日營業
11:00-23:00
星期一至五
11:30-23:00
星期六至日
11:00-23:00
付款方式
現金 八達通
座位數目
60
其他資料
嬰幼兒設施 詳細介紹
加一服務費
食評 (127)
高質經濟之選 焦點食評
等級4 2017-04-15
1678 瀏覽
吉豚屋的油麻地分店總是排着長龍,這家分店地方寬敞,客人卻不多,裝修相對我去過的其他分店有着較重的日本風,所以對這家分店特別有好感。吉列豬柳泡菜湯烏冬窩$69,多加$8要了一隻吉列炸蝦。吉列定食大多索價過百元,這種幾十塊錢的,以我的"賤脷"來說,實在吃不出它與貴價貨的差異。吉列豬柳肉嫩不油膩,放到最後才吃依然酥脆,在吉列這方面已經想不出對它還有什麼要求,頂多提議豬柳的肉味再香濃一些,不過這完全是想不出要求而硬提個要求,現在的質素已經非常好了。八元的吉列炸蝦也不小,長度可及兩塊拼起來的豬柳。吉列炸蝦同樣是酥脆不油膩,有着淡淡的蝦味,雖然鮮味不算突出,但以八元來說賺到了。若要體現貴價貨與平價貨的差異,只能從菜絲入手。這裡的菜絲確實不及貴價定食所提供的菜絲鮮甜,而且不可無限任添,最大差別是這裡只有芝麻醬,沒有好吃到哭的紫菜汁,不過芝麻醬配菜絲依然有一定的吸引力,絕對對得起收取的價錢。泡菜湯味道挺濃,但談不上辣,不至於過咸,但若能淡一些味道更舒服。雖說泡菜是健康食物,但這個吃起來完全沒有健康感覺,總覺得含有不少味精,但味道不差,偶爾吃一下還是可以的,尤其想吃濃味的時候。之前吃過這個烏冬一次,那次也許烹煮時間過長,大失嚼頭,這次好多了,彈性明顯有增,開心~一句總結:高質經濟之選。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-10
1728 瀏覽
Long Time no come la!平靚正豬排飯我又黎啦!好耐冇食過豬排飯,性價比都幾高嘅豬排飯之選啊😆呢到好闊絡座位亦不少,就算星期日lunch time時間黎都唔滿座,好易搵位。如果晚餐時間就唔清楚了。超值套餐 — 吉列咖哩豬排飯(梅)💰HKD55好大份嘅豬排飯呢!豬排肉質唔靭十分易咬,雖然唔係話肉質超好又超多肉汁果啲,但起碼炸得唔乾身👍🏻外層嘅炸粉亦唔會好厚或好油。配上微微少辣嘅咖哩汁及豬排汁(每枱都有得自己加豬排汁),啖啖肉係懶人之選呢!呢個價錢呢個質素CP值好高😆如果唔夠呢~仲可以加多HKD5加隻炸蝦🍤我就覺得唔算太特別,但加埋都係60蚊,隨餐仲配送飲品或湯。以一個Lunch黎講算合理。如果咁仲係唔夠飽,可以加多個小食,我地另加了一個吉列黃金雙丸💰HKD28可能我已經食飽嘅關係,我覺得就係頗為普通嘅炸左嘅墨魚丸同豬肉丸,真係未見特別,不過用黎Sip下牙隙囉。好耐冇食過就會覺得特別好食!其實好想試下果啲百幾二百蚊碗豬排飯好貴果啲餐廳,但我又覺得真係太貴,所以都係慳慳地食住吉豚屋先! 繼續閱讀
(以上食評乃用戶個人意見 , 並不代表OpenRice之觀點。)
等級5 2016-11-12
2347 瀏覽
星期六下午在影藝看完電影,本來準備回家晚上燒烤,但眼見時間尚早,才五六時而已,細看影藝旁邊吉豚屋,原來吉豚屋並非只有豬肉料理賣,還有雞肉可以試食,下午茶價錢才二十多多元,乳酪特飲另加五元。心想下午茶都算抵食,一於當提早食晚飯,然後回家再食燒雞翼。不是講笑,吉豚屋並非獨沽一味而有豚肉食。下午茶除了豚肉丼、豚肉烏冬與豚肉料理外,原來還可以點雞肉料理食,有雞髀肉、雞扒,烏冬白飯任君選擇,款式選擇算是多元化。不過這些以豚肉為主打美食的食店,下午茶就算有雞肉甚至牛肉雞或烏冬提供,亦不等晚餐時段同樣能「一視同仁」,我去過一些日式燒肉連鎖店餐廳,就發現晚市燒肉套餐集中提供牛肉或豬肉,不一定有雞肉食。以我所見所聞,吉豚屋提供的丼料理,主要是滑蛋飯或咖喱汁飯,跟其他日式料理店大致相同。通常較精緻的料理,都要等到晚市套餐才有機會試到(當然你都要有心理準備,不是每一間店的晚市套餐價錢都是便宜可人)。日本很多豚肉料理店有一款著名料理,我以前在日本旅行時也曾經很想試,吉烈豬扒三文治是也(如果雞肉也有三文治就好了)!將吉烈豬扒三文治細心切成三段,很有條有理地放在飯盒內,單看賣相再不好豬肉的人也會垂涎三尺。可惜我現在已少食豬肉,沒緣份就是沒緣份,吉烈豬扒三文治現在只能活在我的記憶中。迷你滑蛋雞扒飯,亦即是迷你親子丼,不過傳統的親子丼,用的其實都只是切粒的雞肉,口感多極有限,不能做到啖啖肉的快感效果。不過吉豚屋的滑蛋雞肉是用比較多肉的雞扒,口感和豐盛程度自是大大的不同,感覺尤如套餐份量升了級一樣。更重要的是,份量豐盛的滑蛋雞扒飯下午茶連加一亦只收三十元,當晚餐食的話已經是抵食夾大件,換作其他更高級的食店,同一款料理的定價可能貴了三四成至一半有多。套餐另外追加的巨峰乳酸特飲,口感酸酸甜甜,百分百開胃飲品,整個下午茶只要三十五元認真是抵食,我確認是五星級下午茶推介美食。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-09-22
0 瀏覽
Lunch去咗呢度,間餐廳夠大,唔使等位,睇menu見到呢期有個特價餐,炸蝦豬扒飯,$59連湯及飲品,所以叫咗呢款。 午餐都幾大份,有兩隻蝦加三件豬扒,仲有個蘿蔔豚肉湯,湯非常足料,味道唔錯,蝦同豬扒亦幾脆,味道當然唔可以同百幾蚊一份相比,但豬扒同蝦幾嫩而夠淋,雖然炸得耐咗少少,醬料有多款選擇,椰菜𢇁亦夠多,食埋碗白飯好飽,餐飲有多款選擇,㨂咗提子Calpris,味有淡,好似溝咗水加埋一都係$65,同出面比較差唔多平一半,仲送coupon下次用 繼續閱讀
(以上食評乃用戶個人意見 , 並不代表OpenRice之觀點。)
等級2 2017-08-26
57 瀏覽
無黎淘大一段日子,原來呢度多左咁多店行到最尾尾就見到吉豚屋由於5月去完日本,見到門口menu炸物就入左去~食物種類很似好多,但其實又唔係好多,此話何解?因為都係炸豬排,炸蝦,雞排等等既炸物再配飯或者烏冬見到其中一個menu大大字咁寫住“期間限定”,仲要係我大愛既蕃茄湯做base,唔洗諗即叫$69 包一碗飯,一碗豬肉麵豉湯,一鍋蕃茄豬排飯就白飯,無咩特別comment麵豉湯好足料,有唔少豚肉,蘿蔔主角,蕃茄底味道好濃好甜 (但應該有落茄膏同茄汁),蕃茄有1個份量,之但係我會建議喜歡香口炸物既吃貨就唔好點,揀返便當系列會好d!因為炸過既豬排放係蕃茄湯底,外層浸到淋晒就必然,但個人黎講我覺得ok...因為咁樣無咁熱氣 繼續閱讀
(以上食評乃用戶個人意見 , 並不代表OpenRice之觀點。)