小曼谷泰國美食 (南角道)

營業中

休息中

九龍城出名泰國菜，咁多間揀邊間好呢？就以多人排隊作為指標，揀咗地鐵站隔離呢間小曼谷🙌🏻鮮菠蘿雞肉炒飯食到好多配料，酸酸甜甜好開胃，食泰國嘢至愛菠蘿炒飯🙉不過呢款雞肉味道一般般，略嫌有啲雞肉腥味泰式飛天炒通菜見到個名有啲好奇所以點咗😂就係辣辣地，炒得好惹味👍🏼黃咖喱牛腩啲咖喱有椰汁味，啲配料薯仔&蘿蔔吸晒啲醬汁好濃味，不過齋食都冇好鹹，牛腩好淋，幾乎入口即溶😹泰式原味烤鬆餅覺得有少少椰香味，點咖喱食，不過我自己覺得有啲油膩😿座位比較迫，環境都比較嘈吵，唔太啱慢慢食慢慢傾偈，但係想食性價比高嘅泰國菜，絕對可以一試👏🏼🙉