富豪酒家

營業中

休息中

見有團購，一於試試老牌富豪酒家。餐廳在新同樂旁邊，裝修採高格調路缐。是次團購餐有蒸點，炸點，湯品，飯及甜品。苦瓜餃：餃皮半透明唔太黏口，苦瓜餃囗味獨特，苦瓜餡帯微甘，之中又夾有瑤柱的鮮，不錯。鮮蝦粉粿：饀中有沙葛，少少蝦，蘿蔔等，但味道不錯，吾太特別。威化生蠔卷：十分香鬆，炸蠔十分嫩，配上香蔥，非常惹味。酥炸金薯糕：十分鬆化，有如咸版炸鮮奶，有少少鮮味，又唔覺得膩。金湯扒燕窩: 十分鮮，有上湯的味道，啖啖足料燕窩，唔會水汪汪。推介！杏汁豬肺湯：湯呈乳白，很滑同滋潤，有菜乾豬肺等，咸味適中帶點鮮，正！迷你荷葉飯：很香！飯粉經蒸過後口感依然，明顯是先炒後蒸。飯本身已經足味，而飯中夹有爽口蝦仁，燒鴨絲等，更囗感同食味更豐富！推介！生磨杏仁茶：十分香滑，帶著杏仁的香同甘，不唔太稀太稠，微甜，感覺足料健康。精選甜點：合桃酥，不是十分鬆化；豆沙角：酥皮煙韌，夾著滑滑豆沙，入口很鬆化以團購價錢在優雅環境下嚐到高質素午餐，實在太抵食超值！