影片
更多
2021-01-02
484 瀏覽
早餐得有啲急唔太飽，又想食平民嘢，行遠少少🤏🏻嚟咗呢間醫肚～呢間小店主要做外賣，但今次見有啲時間就坐咗喺出面嗰bar枱度慢慢食😬.兩個人食，嗌左一個💛蔥油撈雞扒麵 $30💛蔥油撈豬扒麵 $30💛韭菜豬肉餃8隻 $30.等左7 8分鐘先嚟咗嗰煎餃，急不及待咬咗嚿嚟食🤤哎呀🥴辣親個咀仔添🤭證明佢即叫即整，夠晒熱辣辣喇喂～咬左啖見到入面滿滿韭菜，仲多過肉，韭菜愛好者表示正～👍🏻😋.麵就有啲痴住，好似一餅野咁，但用筷子🥢撈兩撈就會散開返～麵質屬於煙韌，唔會煮到好腍，而蔥油都算係香口，但個人略嫌落多咗啲，嗰口愈食愈油🥴不過件豬扒就真係加分喇💯好腍，咬落去唔會銀，亦好香香茅味～至於嗰雞扒，試咗嚿係滑嘅唔會好鞋，仲有啲肉汁😋仲送多咗碗蘿蔔湯，甜甜地幾好味，但因為食到好飽，飲咗一半就無飲到🙈
又想食平民嘢，行遠少少🤏🏻嚟咗呢間醫肚～
呢間小店主要做外賣，但今次見有啲時間就坐咗喺出面嗰bar枱度慢慢食😬.
兩個人食，嗌左一個
💛蔥油撈雞扒麵 $30
💛蔥油撈豬扒麵 $30
💛韭菜豬肉餃8隻 $30
.
等左7 8分鐘先嚟咗嗰煎餃，急不及待咬咗嚿嚟食🤤哎呀🥴辣親個咀仔添🤭
證明佢即叫即整，夠晒熱辣辣喇喂～
咬左啖見到入面滿滿韭菜，仲多過肉，韭菜愛好者表示正～👍🏻😋
.
麵就有啲痴住，好似一餅野咁，但用筷子🥢撈兩撈就會散開返～麵質屬於煙韌，唔會煮到好腍，而蔥油都算係香口，但個人略嫌落多咗啲，嗰口愈食愈油🥴
不過件豬扒就真係加分喇💯好腍，咬落去唔會銀，亦好香香茅味～
至於嗰雞扒，試咗嚿係滑嘅唔會好鞋，仲有啲肉汁😋
仲送多咗碗蘿蔔湯，甜甜地幾好味，但因為食到好飽，飲咗一半就無飲到🙈
張貼
