影片
更多
2013-07-14
206 瀏覽
今晚同屋企人一行十二人去呢間「德星酒家」食晚飯，揀呢間嘅原因係住附近嘅親戚話做緊特價，不如試下。因為訂檯關係，晚上七點無需等候，入座後其實見全場空位都頗多。起初部長（好似係，或者係經理）都好快手快腳，開好茶拎好嘢嚟俾我哋洗碗筷。當睇菜單時，見到有特價餐，$238 五個餸（四人份量），於是就叫咗三 set，一共十五個餸（及湯羹）。原本估計呢 D 特價餐嘅餸應該都會幾快就上菜（因為估計係做定），但係竟然等咗二十分鐘都仲未有一道菜上檯，包括只係斬斬切切嘅燒味拼盤、海蜇薰蹄……上菜速度比較慢，而之前講快手快腳嘅部長（好似係，或者係經理）都可能要處理場內其他特價任飲任食火煱嘅客人，所以多度出現「檯上四個茶壺同時無水好耐都無人斟水」嘅情況。另外，特價任飲任食火煱係有片皮鴨提供，但係店方提供片皮鴨位置，正正就係我哋坐張檯後面。排隊拎片皮鴨嘅其他食客就緊緊將我哋圍檯包圍，連伙記原本上菜位都無，食物上菜要由我（無錯，係我）頭頂「飛」傳入檯面，要我兩次移開空位先可以另辟上菜通道。但如果店方有人可以叫排隊食客讓一讓位，我感覺會舒服好多﹗至於食物，唔算得難食，但係的確係偏咸同唔新鮮。椒鹽九肚魚係碎嘅，無一條魚
因為訂檯關係，晚上七點無需等候，入座後其實見全場空位都頗多。起初部長（好似係，或者係經理）都好快手快腳，開好茶拎好嘢嚟俾我哋洗碗筷。當睇菜單時，見到有特價餐，$238 五個餸（四人份量），於是就叫咗三 set，一共十五個餸（及湯羹）。
原本估計呢 D 特價餐嘅餸應該都會幾快就上菜（因為估計係做定），但係竟然等咗二十分鐘都仲未有一道菜上檯，包括只係斬斬切切嘅燒味拼盤、海蜇薰蹄……上菜速度比較慢，而之前講快手快腳嘅部長（好似係，或者係經理）都可能要處理場內其他特價任飲任食火煱嘅客人，所以多度出現「檯上四個茶壺同時無水好耐都無人斟水」嘅情況。
另外，特價任飲任食火煱係有片皮鴨提供，但係店方提供片皮鴨位置，正正就係我哋坐張檯後面。排隊拎片皮鴨嘅其他食客就緊緊將我哋圍檯包圍，連伙記原本上菜位都無，食物上菜要由我（無錯，係我）頭頂「飛」傳入檯面，要我兩次移開空位先可以另辟上菜通道。但如果店方有人可以叫排隊食客讓一讓位，我感覺會舒服好多﹗至於食物，唔算得難食，但係的確係偏咸同唔新鮮。椒鹽九肚魚係碎嘅，無一條魚係完整。有個香菇豆腐，D冬菇似乎係擺得耐帶酸味嘅。雜菜煲同粟米羹又過咸……乏善可陳，但都叫入得口。
衛生方面，可能因為特價任飲任食火煱係由食客自行到「自助吧」取食物，所以附近一帶地面的確係好多食物碎，比較污糟，但其他位置地毡都算乾淨。但係廁所就的確要彈一彈。男廁入面，雖然無臭味，但係無論尿兜定馬桶都非常污糟，而且洗水盤水喉水壓好低，好似屋企水喉開一半咁，洗水鹼液機入面又乜都無……總次廁所入面真係唔多掂。
而我來回廁所期間，亦見有好多張檯（食小菜）喺度摧單，所以似乎上菜慢呢個情況唔止得我哋張檯有。
最後，價錢的確係抵，連茶芥加一一圍十二個人食咗15個餸再加白飯都係＄1000左右。但係呼道同衛生，都希望店方可以留意做下改善。
題外話/補充資料：
如果同同區附近酒樓比較，我下次會揀去海悅上面間喜慶囉﹗
(以上食評乃用戶個人意見 , 並不代表OpenRice之觀點。)
張貼