影片
更多
2023-04-09
2202 瀏覽
車車一直都bookmark左E間板神鉄板燒好耐, 適逢佢四月份推出左限定感謝祭全日供應14品鐵板燒套餐, 於是今晚就約埋朋友仔一齊可以去食啦! 銅鑼灣旗艦店位於旺中帶靜嘅位置, 餐廳裝潢瑰麗有氣派, 非常有空間感, 好似去左日本食高級鉄板燒一樣, 設有多間房間, 私隱度十足, 走廊亦有一幅大大嘅投影, 播住日本嘅風景圖, 令人感覺好似身處日本一樣, 座位寬敞舒適, 一邊欣賞日藉廚師NONAKAさん席前烹調食物一邊享受美食, 真係一大樂事, 廚師烹調時非常認真嚴肅同時亦有風趣幽默嘅一面, 令整個用餐體驗增添好多樂趣!⭐柚子雜菜沙律沙律菜口感爽脆, 味道清新開胃⭐日式筑前煮日式筑前煮入面有牛蒡, 豚肉, 蓮藕等等材料, 食落甜甜地, 豚肉軟腍入味⭐刺身刺身係赤身，牡丹蝦同油甘魚, 味道鮮甜 ⭐大蝦其中一個喜歡食鉄板燒嘅原因就係因為可以睇到師傅表演刀功, 望住師傅由拆蝦頭, 蝦殼到挑蝦腸, 每一刀都相當利落, 功架十足, 大蝦煮得剛剛好, 口感彈牙鮮味 ⭐南非鮑魚師傅簡單用鹽為鮑魚調味, 食落鮮甜爽彈, 唔需要額外沾醬已經好好食 帶子, 白鱈魚或法國鵝肝可以三選一 ⭐帶子帶子好厚肉, 外層煎
⭐柚子雜菜沙律
沙律菜口感爽脆, 味道清新開胃
⭐日式筑前煮
日式筑前煮入面有牛蒡, 豚肉, 蓮藕等等材料, 食落甜甜地, 豚肉軟腍入味
⭐刺身
刺身係赤身，牡丹蝦同油甘魚, 味道鮮甜
⭐大蝦
其中一個喜歡食鉄板燒嘅原因就係因為可以睇到師傅表演刀功, 望住師傅由拆蝦頭, 蝦殼到挑蝦腸, 每一刀都相當利落, 功架十足, 大蝦煮得剛剛好, 口感彈牙鮮味
⭐南非鮑魚
師傅簡單用鹽為鮑魚調味, 食落鮮甜爽彈, 唔需要額外沾醬已經好好食
帶子, 白鱈魚或法國鵝肝可以三選一
⭐帶子
帶子好厚肉, 外層煎至煎香, 食落鮮嫩可口
⭐法國鵝肝
鵝肝外層煎得好香脆, 入口即溶, 味道濃郁, 配搭漢堡包一啖食落口, 滋味無比
⭐日本豚肉
日本豚肉煎熟後用春卷皮包住再煎香, 外層脆卜卜, 咬落去肉汁豐富又唔膩
⭐薄燒美國牛肉
一口size嘅薄燒美國牛肉, 包住脆卜卜嘅蒜片同香蔥, 食落油脂甘香, 肉汁爆滿, 口感相當豐富
⭐季節野菜
季節野菜有蘆筍, 粟米仔, 紅椒同冬菇, 蔬菜煮得脆口多汁, 一d都唔乾!
⭐炒飯
望住師傅將炒飯炒至金黃色, 飯粒係鐵板上跳動, 師傅更整左個心型圖案, 認真鬼馬! 熱辣辣嘅炒飯, 充滿蛋香同蔥香, 炒得非常乾身, 相當好食
⭐麵豉湯
⭐焦糖多士
全晚最期待嘅甜品終於登場, 外層包住一層厚厚嘅焦糖, 超級邪惡, 食落非常香脆好似食緊蝴蝶酥咁, 好想最食多幾塊呢～
⭐甜品
甜品可以揀選咖啡, 紅豆黑豆奶凍或蕨餅, 車車揀左紅豆黑豆奶凍, 奶凍軟滑細膩, 配上甜美嘅紅黑豆, 為豐富嘅晚餐劃上完美嘅句號
張貼
