Nowhere Man (已結業)

呢間餐廳我嚟食咗幾次， 最初係朋友介紹。 後尾食過覺得質素不錯。 今晚突然相約 屋企人 一起吃飯但又諗不到吃什麼。 突然諗起呢間餐廳， 於是推介一下屋企人一齊過去食。 估唔到今晚是一個有驚喜嘅晚餐。我睇完個menu， 都未有太多諗頭今晚想食 什麼， 於是老闆幫我哋發辦， 於是我哋一路飲酒一路慢慢等廚師發辦。 頭盤係招牌燒賣沙律， 一如以往燒賣大大粒肉汁豐富。 由於我老公 之前有要求過 想食生菜包辣肉碎配飯， 老闆為我哋特登煮一煲飯， 配埋辣肉碎， 我哋每人都 都差不多食咗一碗飯。 之後 再炒一碟蘑菇牛柳， 牛柳用上西式食材，中式煮法。 又係一碟好好送飯嘅 菜式。 但老闆娘 隨後說 還有驚喜, 點知最後再送上一個咖哩雞， 這個才是終極好送飯嘅菜式。能令我不好食飯的老公可以食咗一碗半飯。 相信係辣肉碎 同咖哩雞嘅功勞。言談之間， 知道老闆喜好給驚喜客人， 相信下一次我再去嘅時候 會留給老闆發辦， 看看還有什麼驚喜。