影片
更多
2014-06-02
1858 瀏覽
久違了的陳漢記…都幫襯過不下數十次啦…咁仲寫d咩呀…見到openrice食評有人寫到好極端喎…有人讚到天上有地下無…但又有人話質數差咗云云…反正一諗到陳漢記就好想久唔久食下…咁就即興去食啦… …講起呢間粥粉麵都幾齊全咖…價錢又唔貴…都好多正嘢食咖… 牛腩麵$30…麵爽…牛腩又入味又唔痴牙…唔錯…但湯底就比較普通…係一般雲吞面嗰d大地魚湯底加上五香牛腩汁咁啦… …水蟹粥$37…又綿又鮮甜…雖然蟹仔細細肉唔多…但都有一隻份量…帶有少少蟹膏…呢個價錢…真係物超所值咖…… …腸粉…忘了價錢…即叫即蒸…爽夾滑…食得出係靚粉（要知道靚同唔靚嘅澄面粉…平同貴嘅價錢掙幾級跳咖）試過牛肉同埋魚片…牛肉滑嘟嘟…但魚片就略帶泥味…但腸粉就略嫌細條咗dd咁啦… 嘩…不得了…呢度嘅潮州丸類同雲吞水餃…都可以生炸（牛丸都得）…我就自從叫咗一次炸墨魚丸…就念念不忘…（但人就總係想試試新嘢…有次就心多多叫咗炸雲吞就咸到飛起…後悔不已…攪到唔敢叫呢度嘅雲吞麵啦… 但炸墨魚丸$60（12粒）…真係無敵好味道…（正過文輝墨魚丸大王）好有墨魚香…並唔係坊間嘅墨魚味嘅魚蛋…呢度嘅好足料…啖啖墨魚
…
講起呢間粥粉麵都幾齊全咖…價錢又唔貴…都好多正嘢食咖…
牛腩麵$30…麵爽…牛腩又入味又唔痴牙…唔錯…但湯底就比較普通…係一般雲吞面嗰d大地魚湯底加上五香牛腩汁咁啦… …
水蟹粥$37…又綿又鮮甜…雖然蟹仔細細肉唔多…但都有一隻份量…帶有少少蟹膏…呢個價錢…真係物超所值咖…
… …
腸粉…忘了價錢…即叫即蒸…爽夾滑…食得出係靚粉（要知道靚同唔靚嘅澄面粉…平同貴嘅價錢掙幾級跳咖）試過牛肉同埋魚片…牛肉滑嘟嘟…但魚片就略帶泥味…但腸粉就略嫌細條咗dd咁啦…
嘩…不得了…呢度嘅潮州丸類同雲吞水餃…都可以生炸（牛丸都得）…我就自從叫咗一次炸墨魚丸…就念念不忘…（但人就總係想試試新嘢…有次就心多多叫咗炸雲吞就咸到飛起…後悔不已…攪到唔敢叫呢度嘅雲吞麵啦…
但炸墨魚丸$60（12粒）…真係無敵好味道…（正過文輝墨魚丸大王）好有墨魚香…並唔係坊間嘅墨魚味嘅魚蛋…呢度嘅好足料…啖啖墨魚嘅膽固醇香味（墨魚係高膽固醇咖嘛）…纖維細密又彈牙…炸至鬆脆再配上沙律醬…真係正到爆炸…記得趁熱食…
終於都煲仔飯啦… 呢度嘅煲仔飯…真係我食過好多間（興記…坤記…四季…名苑…煲煲好…等等）質數最好…最隱定的…我鐘情呢度嘅北菇雞煲仔飯…雞滑…陣陣滲出黃油滲落d剛好熟又粒粒分明嘅飯度…嘩嘩…而且d飯又實的的…熱辣辣…都幾飽肚下咖…
但好可惜嗰舊又爽又厚又香的北菇…永遠只得一兩舊…每次我都珍而重之…小心翼翼地夾入口…免得跌落我個口以外嘅地方…就陰公豬咯…
… …
呢日…友人就叫咗窩蛋牛煲仔飯…我就偷食咗一舊牛肉餅…舊牛肉餅係有落過功夫咖…食得出事前有腌過…辟腥…有彈力…又有少少咬口…肥瘦比例唔錯…唔會一口肥膏…唔嚡口…但呢間食肆好奇怪…但就愈食愈想去食…而且真材實料…你見佢成日有人排隊…就知唔係池中物啦…
張貼
