柏斯餐廳 (已結業)

上周四同老婆自助晚餐食，因為想坐耐d傾計。見柏斯餐廳幾平($168，加一，但有85折，實際$157，而且包餐前餐后飲品)，所以就去幫襯。佢依家做緊日式料理promotion，其中一角放了壽司、刺身、日本小食(例如八爪魚仔) 和冷麵等，不過對我冇乜吸引力，因為平價自助餐生真係唔係好敢食，壽司和刺身最多試兩三件，驚佢唔新鮮唔衛生。事實上，佢d壽司飯整得太實，唔合格！好在重有唔少其他熱葷，最搶手係即製天婦羅，佢標榜龍蝦天婦羅，不過供應少，其他天婦羅則多數係平價材料，例如蝦、矮瓜、青椒等，但材料算新鮮，用炸槳不多，亦不太油，好味！另一出色之食物真係意想不到，竟然係蒸魚！通常自助餐食到蒸魚都係好鞋，但係佢蒸魚一d都唔鞋，而且幾滑，又冇乜骨。另外重有我好鍾意浦汁燒鰻魚，行多幾轉，食番夠本！至於冷盤和甜品則普普通通。總體講，如果旨在坐低慢慢傾計，都算OK 。