影片
星期六晚，同屋企人去灣仔南洋酒店二樓食自助餐。去到後，發覺佢地裝修左，仲改左名-叫Grill Cafe 君好扒燒西餐廳。同之前既"柏斯餐廳"既自助餐好唔同，主要係食西式鐵板燒，有好多牛扒同海鮮放係度任你揀，揀完即刻比廚師鐵板燒。我叫左羊扒同銀雪魚，用日式燒汁爐端燒，味道好正，食完再叫左大蝦、西冷、雞扒、沙爹，除左西冷孰左D，其他都好味。另外，佢地D冷盤都好豐富，有長腳蟹，翡翠螺，凍蝦，龍蝦仔，魚生/壽司-除左三文魚同吞那魚，仲有好多款。每人送一客酥皮龍蝦湯，龍蝦肉都好大塊，湯蝦味好濃，正！！甜品counter 都幾好，仲有即場做火焰焗雪山，折左二百蚊一位，都OK。
繼續閱讀
食評 (9)
同good friend賀壽,就同佢去食佢鍾意0既buffet.揀下揀下就唻呢間試.先講食物.熱盤: 芝士焗蠔(我一共食0左6-8隻,勁多芝士,直頭係飲芝士,勁好味,勁多人拎但又不停refill,但食得多好滯),青口,炒菜,炒薯,咖喱羊肉(算”林”),炒飯(無乜料,普通),海鮮薯茸(呢個好味又多料,有蠔及蝦,friend都話唔錯,味似pizzahut千層麵,因為有濃茄醬),炸洋蔥圈(好鬼油及熱氣),炸蝦餅(配甜酸醬好味道),豉汁雞,切牛扒,天婦羅(太多人拎,我出去幾次只拎到一條蝦,另有炸蔬菜),炒蟹,蒸魚(樓下有食家話通常自助餐0既蒸魚都係0鞋,絕對同意,好在呢度都唔錯,算滑)冷盤及其他:沙律2-3款,青口,凍蝦,意式矮瓜(味道好怪),海蜇(其實幾爽,但加埋麻油就更好),火腿肉腸(有一款好特別個樣似煙肉類似火腿0既食物, 以前未食過,幾好味喎),酸齋(一款,真係齋0左d),煙鮫魚,魚生,壽司,冷麵,0者喱,雪糕(牛奶公司桶裝四個味,有朱古力醬,碎糖等配料,另有包裝雪糕/雪條,如鳯仙,小波子,迷你甜筒等,要讚侍應哥哥主動幫我挖雪糕,雪糕實在太硬),忌廉酥餅(面頭朱古力醬幾好味),芝士餅(我個胃真係受唔到cheese cake,就算個friend話唔錯),黑森林蛋糕,朱古力毛士,芒果布甸,麵包布甸,麵包,忌廉什菌湯,中式湯火配料:丸類,肥牛,蠔豉,菜(由於只望過一次,都唔知仲有咩)訂位時已通知無生蠔(無所謂,我都唔食0既),但包火,我0地揀蕃茄湯底,但其實我0地掛住食出面d 0野,仲邊得閒打邊爐0丫.仲包餐飲兩杯,2個人有九折,其實都幾抵食.環境不錯,同利景差不多.至於服務,係收碟慢同無人斟水.
繼續閱讀
4-11-05，Fri 7:00 PM ，一家大細吃自助餐，想坐耐D 。見柏斯餐廳平平地，$158 +10% ，4 人以上有85 折，包餐前及餐后飲品，所以就去幫襯。依家做緊東南亞美食，不過就沒有特別，也有壽司、刺身、冷麵等，不過平價自助餐多數唔多好食。燒牛肉麻麻，天婦羅都Ok ，但蒸魚就幾好，又大條，其他食物和甜品則非常普通。以這價錢，都算OK 。
繼續閱讀
今晚我同兩位朋友去左柏斯餐廳食自助餐,一去到見只需$148一位,已經好開心,上到餐廳內更開心,因為地方比想像中大,人也不算很多,唔算嘈雜.食物方面都唔錯,種類唔算少,服務員都唔差.甜品都幾好,不過可以多些種類.最後仲有餐飲,總括而言樣樣都好好.星期二至四去仲有9折,所以最後只要$138就得,我覺得好抵,好開心.^^"
繼續閱讀
- 自助餐黎講, 算好平- 地方好細, 所以比較逼- 食物款式大路, 選擇不多(一分錢一分貨啦)- 甜品幾好
繼續閱讀