加藤屋 (黃禮賢大廈) (已結業)

離遠見到佢搶眼嘅門面被吸引左過嚟，咁岩又好想食牛肉就決定晚餐係度食。今次淨係試左佢個牛肉飯，無叫其他小食（餐廳仲有豚肉飯，雞扒飯，咖喱飯，鐵板飯，油炸小食可供選擇。）牛肉偏咸，薄身唔會嚡口，撈飯食剛剛好，但肉嘅份量就偏少，鋪唔滿個碗，觀感上望落得幾塊肉配一大碗飯咁囉。另外，洋蔥望落好似唔係煮左好耐咁，所以我都無食。至於環境，都算闊落，快餐店設計，服務員就係一般嘅姐姐嬸嬸，所以係唔會Feel到好日本地道嘅感覺。