板上 (中海日升中心) (已結業)

今日同朋友聚會，就係openrice搵左尼間板上食晚餐，之前從來都無食過。板上近年先開，座位好多，分左食飯同coffee bar兩邊，板上入面既座位相當闊落，環境相當舒適。板上既運作模式就好似快餐店或Food Court，可以去收銀處買票，如果收銀處太多人，係門口都有八達通自助售賣機，都真係幾方便。之後就自己搵位坐，再等叫號碼取食物。板上入面有高檯既4-8人位，亦有好多4人位，最適合3-4個人黎食飯傾偈gathering。板上仲提供外賣服務，想安坐家中或辦公室既人同樣可以食到。🍻🍻我就叫左個板上雪花一口牛配珍珠飯、板上照燒雞配珍珠飯、板上蒲燒鰻魚配珍珠飯同水牛雞翼，連埋特色飲品，都係二百幾蚊，價錢一D都唔貴，尼度仲有啤酒飲添。至於coffee bar個邊就有靚咖啡同蛋糕食。🍰☕️板上雪花一口牛配珍珠飯，飲品就叫左柑桔青檸梳打。個一口牛夠大粒，份量亦夠多，牛味濃郁，牛肉粒淋身但唔係鬆肉粉個隻，而且無overcook，有中華沙律同粟米車厘茄做伴碟，珍珠飯煮得唔錯，少少煙靭有咬口。👍🏻👍🏻水牛雞翼雖然賣相好似好辣咁，但唔好俾賣相呃左，咬落去酸中帶辣，特别開胃，係一個唔錯既小食黎！😚😚❤️