米拉 (已結業)

東廣場真係有好多食店, 呢間店細細間做外賣為主, 老實我之前成日行過都無視咗佢... 😅今次係因為突然想飲珍珠奶茶, 行過見到佢張海報上既珍珠奶茶好吸引, 再望望menu佢有好多款式既飲品&午餐. 咁今次就試下啦!佢強調係用新竹既米粉, 咁就揀個鹵汁雞腎併鴨胸, 飲品點咗杯胚芽珍珠奶茶, 微糖少冰. 米粉果然好幼滑, 個湯望落無咩味咁, 但飲落都好夠味的, 鴨胸OK, 但雞腎可以再煮淋啲, 而家偏硬咬到有啲攰. 😆杯胚芽珍珠奶茶好好飲. 茶味夠濃, 因為珍珠本身都有甜味, 所以微糖啱啱好. 👍🏻佢既飲品類真心平又唔錯. 就算唔買餐單點都OK的!