影片
更多
2021-02-12
930 瀏覽
已經數不清去過Samsen 幾多次🙊 所以呢篇食評，係夾埋幾次嗌嘅嘢食，雖然其實次次都係叫差唔多嘅種類🤣開業第五年，samsen已經拎咗四次米知蓮推介，可見呢間餐廳的確有實力同過人之處每一次黎到都會預咗要排隊，即使最近一次去係落緊大雨，都排咗大約半個鐘個人認為，都算值得，因為佢嘅食物實在太吸引首先講吓環境，餐廳以泰國地道為裝修主題，店員亦都冇一個係香港人，係冇得去旅行嘅時候，感受一下係異鄉嘅感覺🤪 坐低左，枱墊就係佢嘅餐牌，店員都幾心急，會即刻行埋你問你食啲咩。除咗炒野同炸嘢以外，其他嘢食都來得好快，大約5分鐘就會有！第一樣，亦都係我最鍾意食嘅就係和牛濃湯船麵🐮 湯底好濃好香，碗麵用料絕對唔孤寒，有幾塊大大塊嘅半生熟和牛片，煮得非常嫩滑，仲有兩三夠牛腩同埋幾粒彈牙牛丸另外，仲配埋啲炸豬皮，好香口！份量唔算少，絕對食得飽！鍾意影相嘅朋友，記住要快啲影，因為啲麵吸湯嘅速度都幾快🤪炸豬頸肉以呢個價錢，佢嘅份量唔算太多，但係外脆內軟嘅口感，香口又有肉汁，配上甜甜酸酸的烤蕃茄辣醬，非常開胃🤤泰式炸魚皮 🐟 每一塊炸魚皮都好薄同好脆，但係同平時港式打邊爐嗰啲炸魚皮唔一樣，呢款比較冇咁油，食落都好香
所以呢篇食評，係夾埋幾次嗌嘅嘢食，雖然其實次次都係叫差唔多嘅種類🤣
開業第五年，samsen已經拎咗四次米知蓮推介，可見呢間餐廳的確有實力同過人之處每一次黎到都會預咗要排隊，即使最近一次去係落緊大雨，都排咗大約半個鐘個人認為，都算值得，因為佢嘅食物實在太吸引
首先講吓環境，餐廳以泰國地道為裝修主題，店員亦都冇一個係香港人，係冇得去旅行嘅時候，感受一下係異鄉嘅感覺🤪 坐低左，枱墊就係佢嘅餐牌，店員都幾心急，會即刻行埋你問你食啲咩。除咗炒野同炸嘢以外，其他嘢食都來得好快，大約5分鐘就會有！
第一樣，亦都係我最鍾意食嘅就係和牛濃湯船麵🐮 湯底好濃好香，碗麵用料絕對唔孤寒，有幾塊大大塊嘅半生熟和牛片，煮得非常嫩滑，仲有兩三夠牛腩同埋幾粒彈牙牛丸另外，仲配埋啲炸豬皮，好香口！份量唔算少，絕對食得飽！鍾意影相嘅朋友，記住要快啲影，因為啲麵吸湯嘅速度都幾快🤪
炸豬頸肉
以呢個價錢，佢嘅份量唔算太多，但係外脆內軟嘅口感，香口又有肉汁，配上甜甜酸酸的烤蕃茄辣醬，非常開胃🤤
泰式炸魚皮 🐟
每一塊炸魚皮都好薄同好脆，但係同平時港式打邊爐嗰啲炸魚皮唔一樣，呢款比較冇咁油，食落都好香口
薑黃酥炸魷魚 🦑
同豬頸肉一樣，以呢個價錢來講，份量的確比較少，但係魷魚炸得幾香口，不算油膩，配上酸酸辣辣的汁，好快就已經食晒成碟🤣
泰式虎蝦炒金邊粉🍤
朋友叫的pad thai，呢個泰式炒金邊粉加埋蛋一齊炒，炒得幾乾身，旁邊會有個酸酸地嘅汁。整體來講都幾有鑊氣同埋唔係太油！
泰式餐廳必定有的芒果糯米飯
呢個甜品都幾大碟，如果已經食到有啲飽嘅朋友，就建議下次先叫🤣 芒果好甜好大舊，配上暖暖甜甜的椰汁同糯米飯，味蕾十分滿足
斑蘭椰子湯圓
湯圓係斑蘭皮，湯圓餡係甜甜的椰絲，配上暖暖的椰子汁個湯圓味有啲似糖蔥餅🤣 呢個絕對係我每次必叫嘅甜品。
泰式街頭椰子雪糕
呢個雪糕好掂，雪糕本身裏面已經有椰子絲，雖然佢冇太濃郁嘅椰子味，可能因為買味比較重，但係口感絕對好上面仲放咗花生粒同粟米，呢個配搭好清新，正
飲品方面，個人最鍾意呢兩款！芒果百香果冰 🥭芒果嘅甜中和一下百香果嘅酸味，孫甜甜幾好飲！椰子荳冰，我比較鍾意呢杯，豆奶同椰子融合得非常好，一啲都唔會太甜，加上本身好鍾意飲沙冰，每次必要的飲品
整體來說，呢間餐廳嘅價錢唔算好平，每人一碗麵一個小食一杯嘢飲加一個甜品，已經大約三百幾蚊，但係味道絕對係不能夠被取代，尤其係和牛船麵同埋甜品 Lunch食嘅話，就會包一杯飲品，感覺就會冇咁貴🤣順帶一提，食物都來得好快，店員都尚算心急，如果可以感覺慢少少嘅話就Perfect，大家就會食得relax啲
張貼
