影片
更多
2018-05-24
243 瀏覽
咁多個國家，我都係鍾情日本菜。唸唔到喺中環LKF California Tower 都有一家幾有心思的日本小店，主打由日本不同地方運到的食材，可以話係用一餐飯價錢和你遊歷整個日本，呢份誠意絕對啱我呢個日本通！好掛住日本啊！餐廳叫FUMI 漢字是文 希望把不同地方的文化帶到香港。今次黎食係佢的summer 8-course tasting menu 加sake pairing ! 係全日本當日新鮮的食材，好期待！鍾意飲清酒嘅人就唔可以錯過。店入邊嘅環境都好舒適，唔單止好似西餐廳一樣咁舒服，仲加入左唔同日本嘅文化元素。先上菜！頭盤打頭陣的先係博多海鰻配魚子醬和青檸，千兩茄子海膽田樂和富山灣的白蝦壽司。最驚喜是白蝦，入口鮮味非常，小小的一件，就足夠打開今次晚餐的味蕾。海膽入口鮮甜，出色同茄子好夾。係我最期待嘅刺身的部分。今次除咗有鯖魚、仲有鰹魚，鯛魚及拖羅。拖羅入口有油香，好肥美呀！而且每樣都有兩件，淨係呢份刺身都已經值回票價。感受到係新鮮時令的食材！加上手磨的wasabi 絕對係高級的象徵。茄子炸左咗之後加入車海老，海膽等等食材，再用上湯燴好，就成了這個煮物。鮮甜可口，加埋茄子可以吸左湯汁
餐廳叫FUMI 漢字是文 希望把不同地方的文化帶到香港。今次黎食係佢的summer 8-course tasting menu 加sake pairing ! 係全日本當日新鮮的食材，好期待！鍾意飲清酒嘅人就唔可以錯過。
店入邊嘅環境都好舒適，唔單止好似西餐廳一樣咁舒服，仲加入左唔同日本嘅文化元素。
先上菜！
頭盤打頭陣的先係博多海鰻配魚子醬和青檸，千兩茄子海膽田樂和富山灣的白蝦壽司。最驚喜是白蝦，入口鮮味非常，小小的一件，就足夠打開今次晚餐的味蕾。海膽入口鮮甜，出色同茄子好夾。
係我最期待嘅刺身的部分。今次除咗有鯖魚、仲有鰹魚，鯛魚及拖羅。拖羅入口有油香，好肥美呀！
而且每樣都有兩件，淨係呢份刺身都已經值回票價。感受到係新鮮時令的食材！加上手磨的wasabi 絕對係高級的象徵。
茄子炸左咗之後加入車海老，海膽等等食材，再用上湯燴好，就成了這個煮物。鮮甜可口，加埋茄子可以吸左湯汁，好特別啊，第一次食，可以飲埋d湯不過有d甜。
而燒物方面，就係用咗香川縣嘅白露荀，每年嘅五六月都係呢個珍貴食材的嘅當造季節，當加入左豬腩肉之後，配上溫泉蛋，入口甜甜地，燒肉汁亦都好夾，好有日本去左居酒屋嘅感覺，加埋來自福島縣嘅純米酒，一大享受。
天婦羅天婦羅可能係最普通不過嘅食材，不過當中部份最令人感到驚喜就係蓮藕包住打碎左嘅蝦肉，令到整個蓮藕嘅層次更加分明。
另外，小鮎魚都係第一次食，入口甘甘地，記得唔好食個頭因為感覺有啲苦，特別！
宮崎牛，入口肥瘦平均，入口雖然有份油香，而且軟淋淋，肉香都好濃，但係唔會食到好膩。得三塊真係好唔夠喉加埋煮過嘅洋蔥，甜甜地，點埋啲汁簡直係一流。
一餐飯又點可以冇啲飯落肚呢？
加上三文魚籽，而且仲有鹽漬左嘅昆布，飯係日本嘅米，好出色。
最後就係用日本生果來做結，免頭嘅食用花，原來係可以食，不單單是裝飾，仲令到成個甜品好似一件藝術品一樣。包括有時令嘅蜜瓜、櫻桃、山梨縣嘅蜜柑，再加多杯梅酒，成為一個完美嘅句號。張貼
