博多拉麵別天神 (已結業)

好少入到黃埔，估唔到都有別天神，一場嚟到就緊係要支持！裡面既牆都貼滿鼓舞人心的字句💪🏼💪🏼裡面環境都好令人舒服😌餐牌選擇唔多，但幾乎樣樣都好食😋沙律配紫菜食好夾好味道！豬骨湯頭好濃郁好甜夠晒香滑，流心蛋好惹味！超正呀！拉麵就更加唔使講，麵質煙韌彈牙！蝦味增湯頭的配搭又係無得輸！濃稠適中，香甜美味，配合蔥花同埋櫻花蝦，加上流心蛋，再配合埋兩塊油脂分布比例剛剛好的豚肉，實在係冇得彈！煎餃子我不嬲都唔鍾意，但係呢度整得好甘香，而且唔會有過多的油份，煎炸程度亦唔會超時，火候拿捏得剛剛好！唔知係湯太少定係我太口渴定係湯真係咁好味，爭些少就飲清光！絕對推介大家幫襯喔！很讚的拉麵店！最後想讚埋杯茶，因為大部分日式拉麵店都係得冰水。