影片
更多
2010-04-28
36 瀏覽
老死鬼傑牛一, 師傅同一眾好友當然唔放過一個食同玩嘅機會啦, 於是吹雞攪番個飯局先; 是次由師傅揸旗, 其實食呢家野有時真係幾蝦人, 好唔好真係幾主觀, 所以師傅都費事問咁多, 索性搵間大家都未試過嘅, 於是上黎呢度搵下有冇筍盤; 喺無心插柳下就搵左呢間食店! 坦白講睇見呢間食店評分甚高, 於是即刻撥個電話留位, 順便問下有冇咩特別菜式係需要預留, 最後師傅預訂了四款唔同菜式! 到左當日, 大家都幾準時到左食店, 呢一下師傅真係有少少意料之外呀; 見差不多人齊就再落定單, 到人齊先起菜! 大定分別揀左好幾款唔同餸菜, 所以好快就已經落完單; 最後一共柯打左嘅食物有小籠包三客, 口水雞, 醉雞, 紅油抄手, 炒蟮糊, 煎鍋貼兩客, 萵筍海蜇頭, 再加預留左嘅三色卷, 醬鴿五隻, 上海粗炒麵三碟同埋砂鍋鯪魚湯兩鍋, 十個人應該夠食喇! 等候嘅時間唔係好耐, 所以好快就有得食, 舉杯過後即刻開餐啦; 先試嘅當然係呢度嘅招牌小籠包, 小籠包一客四隻, 大細適中, 絕對可以一啖一隻, 小籠包水準不賴, 內裡餡料甚為新鮮, 肉身鬆軟夾雜著濃湯, 真係十分可口, 而小籠包嘅皮算得上薄, 不過若然要
坦白講睇見呢間食店評分甚高, 於是即刻撥個電話留位, 順便問下有冇咩特別菜式係需要預留, 最後師傅預訂了四款唔同菜式! 到左當日, 大家都幾準時到左食店, 呢一下師傅真係有少少意料之外呀; 見差不多人齊就再落定單, 到人齊先起菜! 大定分別揀左好幾款唔同餸菜, 所以好快就已經落完單; 最後一共柯打左嘅食物有小籠包三客, 口水雞, 醉雞, 紅油抄手, 炒蟮糊, 煎鍋貼兩客, 萵筍海蜇頭, 再加預留左嘅三色卷, 醬鴿五隻, 上海粗炒麵三碟同埋砂鍋鯪魚湯兩鍋, 十個人應該夠食喇!
等候嘅時間唔係好耐, 所以好快就有得食, 舉杯過後即刻開餐啦; 先試嘅當然係呢度嘅招牌小籠包, 小籠包一客四隻, 大細適中, 絕對可以一啖一隻, 小籠包水準不賴, 內裡餡料甚為新鮮, 肉身鬆軟夾雜著濃湯, 真係十分可口, 而小籠包嘅皮算得上薄, 不過若然要挑下骨頭的話, 師傅會希望個皮再薄少少添; 口水雞同醉雞嘅肉身都好鬆軟, 而且十分滑溜, 最唔同係個汁啦, 口水雞個汁係辣, 香辣而惹味, 絕對啱晒好似師傅咁鍾意食辣嘅人, 會真係會吃不停; 而醉雞個汁就應該用花刁制成, 酒十分香醇, 味道唔會太濃或太淡, 真的啱晒好似師傅咁鍾意飲酒嘅人, 不錯!
紅油抄手賣相吸引, 師傅覺得其實抄手好食與否, 最主要係靠個醬汁, 其他已經係次要, 而呢個醬汁亦甚為香濃, 濃中帶少辣, 少辣中帶著一份親切感, 令到師傅有種欲罷不能嘅感覺, 除左喺台比嘅鼎泰豐外, 師傅都好少食到咁出色嘅抄手, 掂呀, 絕對係必食推介; 炒蟮糊賣相亦唔錯, 略嫌細碟少少, 師傅冇試過, 所以不便評論; 煎鍋貼一客有五隻, 鍋貼真係即叫即煎, 熱騰騰, 而鍋貼餡裡肉鮮汁多, 而個皮煎得香脆但唔會過硬, 真係洽到好處, 唯一要注意係要慢慢食, 因為d汁甚滾, 好易辣親個咀仔架; 萵筍海蜇頭師傅都係頭一次食, 海蜇頭真係好爽口而唔韌, 萵筍入口 清新, 味道不錯, 絕對唔似筍, 值得一試!
最後講下預留左嘅食物, 三色卷一客有八少件, 係前菜黎, 亦以蔬菜為主, 賣相係細件的色幾得意, 不過師傅亦冇食, 但相信亦都唔會太差; 醬鴿總共柯打左五隻, 醬汁香濃且十分惹味, 而鴿亦十分鬆身, 絕對唔會鞋口, 唯一比較差係斬得細件, 變左多左少少醉骨; 上海粗炒麵留左三大碟, 賣相一般, 麵身唔算太粉但唔彈牙, 口感略差, 唯一好處係炒得唔油, 不過師傅覺得呢道菜就算唔食亦冇蝕; 砂鍋鯪魚湯就冇咩特別, 底尚算清甜, 唔腥亦冇味精, 對於師傅呢d少湯水嘅人就絕對收貨!
最後柯打左甜品兩款, 豆湯鍋餅同流湯煎堆各一份, 兩份甜品中師傅揀左豆湯鍋餅, 豆湯鍋餅煎得香脆而唔油膩, 而豆沙味道唔會太甜, 都唔錯喎; 而流湯煎堆賣相勁得, 熱辣辣好明顯係即叫即炸, 剪開後奶皇嘅香味甚濃, 雖然師傅冇食, 但席間試過嘅都讚, 所以應該不錯!
總括黎講食物質素不錯, 水準甚高, 地方環境比較細少, 服務有禮殷勤, 感覺亦甚舒服, 埋單唔算太貴, 十個人食一人免費, 百四蚊一位, 食左咁多野都算抵食架! 講真未黎之前師傅都有d餚底, 皆因師傅自己都未黎過, 驚水準參切, 會令大家失望, 幸好大家都係帶著滿意嘅笑容離開, 最重要係鬼傑都滿意; 所以笑臉一定要比, 有機會都會再黎多次!
張貼
