影片
更多
2023-04-16
124 瀏覽
今晚同女朋友一齊去到上環一間叫「霜𤅗」既樓上日本餐廳嘆Omakase 環境唔算好大，燈光就十分光猛，周邊掛有浮世繪畫掛系牆度, 和風味十足有4個座位，座位前係師傅既「表演舞台」Menu 係三款唔同份量，唔同菜式既人頭set dinner , 我地就揀左「GO」set ，包括前菜、茶碗蒸、時令刺身、主食、湯、甜品 , 未上菜先興奮前菜：海膽抹茶豆腐、水母、魷魚🦑餐具真係好精緻，三味前菜細細份恰到好處，店員指示我地由淡至濃味咁食，即由上至下咁逐味食，咁就可以食到每樣食物既原味，好細心櫻花蝦蒸蛋櫻花蝦同茶碗蒸既配撘真係第一次，外表精緻之外，估唔到入面仲有鮮菇，蒸蛋滑溜蛋味濃，由外面食到入面都食到鮮味米崎蠔配海葡萄跟住係生蠔部分大大隻米崎蠔上面放左同生蠔鮮味match到絕既QQ白酒啫喱，加上海葡萄脆卜卜口感，一啖放哂入口品嚐口感與鮮味交織既味覺享受鮫鰈魚邊配柚子豉油第一次食鮫鰈魚，師傅都好有耐性咁介紹佢既特色比我地聽原來佢既口感有d似左口魚既爽脆肉質，而且係魚脂感升級版刺身上放有預先用柚子豉油醃製好既飛魚籽，為充滿魚脂既刺身增添一份清新味道師傅仲推薦用伴碟既一小拙菊花絲放入刺身卷起食用，有興趣
環境唔算好大，燈光就十分光猛，周邊掛有浮世繪畫掛系牆度, 和風味十足有4個座位，座位前係師傅既「表演舞台」
Menu 係三款唔同份量，唔同菜式既人頭set dinner , 我地就揀左「GO」set ，包括前菜、茶碗蒸、時令刺身、主食、湯、甜品 , 未上菜先興奮
前菜：海膽抹茶豆腐、水母、魷魚🦑
餐具真係好精緻，三味前菜細細份恰到好處，店員指示我地由淡至濃味咁食，即由上至下咁逐味食，咁就可以食到每樣食物既原味，好細心
櫻花蝦蒸蛋
櫻花蝦同茶碗蒸既配撘真係第一次，外表精緻之外，估唔到入面仲有鮮菇，蒸蛋滑溜蛋味濃，由外面食到入面都食到鮮味
米崎蠔配海葡萄
跟住係生蠔部分大大隻米崎蠔上面放左同生蠔鮮味match到絕既QQ白酒啫喱，加上海葡萄脆卜卜口感，一啖放哂入口品嚐口感與鮮味交織既味覺享受
鮫鰈魚邊配柚子豉油
第一次食鮫鰈魚，師傅都好有耐性咁介紹佢既特色比我地聽原來佢既口感有d似左口魚既爽脆肉質，而且係魚脂感升級版刺身上放有預先用柚子豉油醃製好既飛魚籽，為充滿魚脂既刺身增添一份清新味道師傅仲推薦用伴碟既一小拙菊花絲放入刺身卷起食用，有興趣可以試下呢個方法
慢煮八爪魚·柚子胡椒
呢隻八爪魚🐙來頭不小，師傅將慢煮後將佢長長既爪雪藏好，淨係睇到佢一兩條腳都咁巨型，真身一定好有份量，最驚喜係咁厚既肉都煮到好林身好入味，配合柚子胡椒吊味，即刻有種清新風味
壽司🍣金木鯛、赤貝（活）
四個字：生猛鮮甜！
牡丹蝦、蝦膏、蝦籽
一家大細食哂系列食材新鮮，多重口感
北海道銀鱈魚、西京麵豉醬
平時食d居酒屋既銀鱈魚好多都係食加拿大銀鱈魚，今次第一次試日本產🇯🇵銀鱈魚，肉質咬開仲見到一絲絲，相當新鮮西京麵豉醬香滑甜，夾埋食好creamy
拖羅配淡雪鹽
肥美既拖羅配上咸味較淡既淡三鹽，油脂味間滲出輕輕鹽味，恰到好處
湯：舞茸菇、松茸新丈、蒪菜
食左咁多肉，係時候要食返d纖維。師傅好鬼馬叫我地試下食湯入面有兩塊葉既菜先估唔到呢款蒪菜入口質感似食緊jelly，原來佢既外形覆蓋住一層膠質，入口嫩滑，女士食得多可以養顏，湯味清新
最終餅
係港人至愛既焙茶雪糕，每啖都食到香濃焙茶味，而且質地好軟滑 ，配上靚靚菊花餅底，又脆又滑口感一啖接一啖，差d唔記得自己已經食到9分飽，最後食埋香甜士多啤梨，為今晚Omakase畫上完美句號
如果要問我今晚Omakase 食後感，呢餐可能係我食過最精緻、最難忘既一餐日本菜，每一啖都食到師傳既用心，帶埋另一半黎食都唔失禮推薦！
張貼
