影片
更多
2022-05-13
92 瀏覽
以前成日經過尖沙咀，都見到呢間舖頭嘅名好有趣，以為係食麻辣鍋。而且玩啲食字gag嘅餐廳通常質素都唔係太好，點知呢一次嘅經驗， 就令我愛上咗佢啦😍😍呢間餐廳主打邊爐，無論食物，裝修定服務態度都無可挑剔，超級推薦！佢係主打清朝嘅宮廷風， 一入門口已經見到好大張龍椅， 旁邊仲有唔同嘅皇帝格格服飾俾你著。 而每一個卡位都會有一塊牌匾寫住一個宮殿嘅名，而且餐具亦都係仿照古裝劇皇帝佢哋嘅用膳工具來設計，感覺就好似穿越返去古代咁。除咗裝修超靚超有特色以外最大賣點當然係佢哋新鮮嘅食物！永嘉公主。姬松茸鮑魚烏雞籠湯鍋🥘🥘呢個鍋底亦都係非常之正，鍋中央有大大隻竹絲雞，面頭有四隻新鮮嘅鮑魚，再上面嘅係大量姬松茸，羊肚菌以及蟲草花。 成個湯嘅鮮味即刻升及， 而且鍾意食野菌湯嘅朋友千萬不要錯過！佢每一重菇嘅野菌味亦都係非常濃郁！ 鮑魚爽滑， 烏雞鮮嫩多汁！非常推薦。 呈上嘅時候仲非常之有特色， 放咗啲乾冰去製造煙霧嘅效果， 打卡一流。花花公主牛魔王拼盤 🥩呢個牛肉拼盤，集結左唔同牛嘅部位， 一次過滿足曬你所有嘅願望！ 特別推薦： 花雕酒浸牛肉、 牛肉粒、 日本和牛同埋牛黃喉。 花雕酒浸牛肉： 充滿濃濃嘅花雕酒香
以前成日經過尖沙咀，都見到呢間舖頭嘅名好有趣，以為係食麻辣鍋。而且玩啲食字gag嘅餐廳通常質素都唔係太好，點知呢一次嘅經驗， 就令我愛上咗佢啦😍😍
呢間餐廳主打邊爐，無論食物，裝修定服務態度都無可挑剔，超級推薦！佢係主打清朝嘅宮廷風， 一入門口已經見到好大張龍椅， 旁邊仲有唔同嘅皇帝格格服飾俾你著。 而每一個卡位都會有一塊牌匾寫住一個宮殿嘅名，而且餐具亦都係仿照古裝劇皇帝佢哋嘅用膳工具來設計，感覺就好似穿越返去古代咁。
除咗裝修超靚超有特色以外最大賣點當然係佢哋新鮮嘅食物！
永嘉公主。姬松茸鮑魚烏雞籠湯鍋🥘🥘
呢個鍋底亦都係非常之正，鍋中央有大大隻竹絲雞，面頭有四隻新鮮嘅鮑魚，再上面嘅係大量姬松茸，羊肚菌以及蟲草花。 成個湯嘅鮮味即刻升及， 而且鍾意食野菌湯嘅朋友千萬不要錯過！佢每一重菇嘅野菌味亦都係非常濃郁！ 鮑魚爽滑， 烏雞鮮嫩多汁！非常推薦。 呈上嘅時候仲非常之有特色， 放咗啲乾冰去製造煙霧嘅效果， 打卡一流。
花花公主牛魔王拼盤 🥩
呢個牛肉拼盤，集結左唔同牛嘅部位， 一次過滿足曬你所有嘅願望！ 特別推薦： 花雕酒浸牛肉、 牛肉粒、 日本和牛同埋牛黃喉。
花雕酒浸牛肉： 充滿濃濃嘅花雕酒香， 令人難以抗拒。
牛肉粒： 鮮嫩多汁！無論烚幾耐都好似唔會柴咁
日本和牛： 充滿油花！食落入口即溶！
牛黃喉： 呢個第一次食，完全冇異味亦都非常爽脆！
海鮮🐟🦐🦞
海鮮我哋就叫咗四樣，分別係九節蝦、日本廣島蠔、 桂花蚌及珊瑚蚌。 所有海鮮都非常新鮮甜美，九節蝦肉質十分彈牙， 廣島蠔十分肥美，桂花蚌同珊瑚蚌亦非常之爽口， 喜歡食海鮮嘅朋友可以叫多啲啦。
龍蝦豚肉餃 🥟
龍蝦豚肉餃係舖頭嘅推薦菜色，餃子的外皮係用黃色嘅燒賣皮，裏面係包裹住滿滿嘅龍蝦同豚肉，亦都好好食！
美濃水蓮🥬🥬
之前完全冇聽過呢款菜，覺得好得意。於是我哋就叫咗一份嚟試。 上菜嘅時候佢已經繞好一扎， 而且仲會配一把較剪俾你，由於菜心比較長，所以我哋需要剪短佢放入鍋中。食落口非常之爽脆，仲有少少嘅蓮香味，絕對係必食嘅蔬菜！
張貼
