影片
更多
2017-12-28
251 瀏覽
今晚聖誕夜，沒有訂枱，和親愛的他，行棉登徑揾飯食，見到呢間叫窩心鍋，個名似足我地甘Sweet 。窩心鍋寫住火鍋料理，喺呢個冷冷的冬天真係好想上去兩口子窩心下。Check check OpenRice, 仲未有人寫過窩心鍋既食評，更加引起我地既興趣，好想試下，更加想試下寫第一篇食評既感覺！原本以為窩心鍋係行温馨路線，上到黎完全俾佢十分 modern 玩味既設計風格攝住！高雅中不失型格，以潮味十足既裝飾襯托傳統中式打邊爐，加上輕快無比的音樂，未食野，已經俾佢催眠左。好耐冇去過一間餐廳，正到連廁所都要爭住影嘅地步。男厠、女厠，各有樂而忘返的私人空間！店長問我地有無興趣食日本和牛刺身，我地心諗當然好想食啦。。。係日本食幾片已經幾百蚊，係香港食和牛刺身？價錢真係唔敢想像。。。。跟住店長話只要 like 佢地既 Facebook 就就送一份和牛刺身！我哋聽到完全係意外驚喜，即刻急急腳攞起電話 like 一 like ，嘩，真係發夢都無諗過一個舉手之勞，就可以享受到最高級的日本和牛刺身！一片片牛脂均衡的和牛刺身，入口即溶，牛味出衆，飲品方面，我哋發現有一款係其他打邊爐無見過既 - 自家製紅菜頭水
窩心鍋寫住火鍋料理，喺呢個冷冷的冬天真係好想上去兩口子窩心下。
Check check OpenRice, 仲未有人寫過窩心鍋既食評，更加引起我地既興趣，好想試下，更加想試下寫第一篇食評既感覺！
原本以為窩心鍋係行温馨路線，上到黎完全俾佢十分 modern 玩味既設計風格攝住！
高雅中不失型格，以潮味十足既裝飾襯托傳統中式打邊爐，加上輕快無比的音樂，未食野，已經俾佢催眠左。
好耐冇去過一間餐廳，正到連廁所都要爭住影嘅地步。男厠、女厠，各有樂而忘返的私人空間！
店長問我地有無興趣食日本和牛刺身，我地心諗當然好想食啦。。。係日本食幾片已經幾百蚊，係香港食和牛刺身？價錢真係唔敢想像。。。。
跟住店長話只要 like 佢地既 Facebook 就就送一份和牛刺身！
我哋聽到完全係意外驚喜，即刻急急腳攞起電話 like 一 like ，嘩，真係發夢都無諗過一個舉手之勞，就可以享受到最高級的日本和牛刺身！
一片片牛脂均衡的和牛刺身，入口即溶，牛味出衆，
飲品方面，我哋發現有一款係其他打邊爐無見過既 - 自家製紅菜頭水 28 元。
原本以為＄28係一杯，結果黎左一瓶！ 真心抵！
紅菜頭水清甜、健康，鐵質豐富，必飲！
淨係呢兩部曲，令人沉醉喺呢度美妙嘅氣氛中，食咩都好，我地都用真誠既態度去期待。。。
店長問我地要咩湯底？我地既然食咗人哋一碟咁靚嘅和牛刺身，都唔好意思叫啲普通湯底，最後我哋揀咗最高級嘅店長推介- 花膠魚唇滑雞鍋 488元
花膠魚唇滑雞鍋 488元
睇得清清楚楚，用左花膠、魚唇、冬瓜、雞、金華火腿做材料。無花無假。
店長提醒我地打邊爐前要先飲湯。因為個雞湯係由大廚每日一早翻鋪煲足五小時以上，所以係正宗無添加靚雞湯。
終於明白點解賣488元，睇到食材，真心覺得值！
飲啖靚花膠魚唇雞湯，滋補養顏、養生保健！好過自己煲幾個鐘。
好，事不宜遲，先黎一口靚雞湯。。。。嘩！特濃香雞味加花膠特有既鮮味和膠質，每啖湯既味道層次分明，潤滑無比。
魚唇吸收了濃湯精華，每一口都係滋味十足，呢個靚湯，真係貴得有道理，原本諗住留肚食靚和牛和黑豚肉，但係個濃雞湯實在令人無法抗拒，差唔多飲到見底才收手。真材實料，啖啖精華 ！
終於飲夠湯，開始火鍋上場。
美食係會令人失去理智，在點菜紙上，隻手總是不聽話甘想選擇最靚既食材。。。親愛的他話既然甘好彩嚟到呢間咁有質素嘅火鍋，唔好甘介意價錢，最重要係美食難求，不試會後悔的。
好吧，讓我們繼續和牛狂熱！
日本A5和牛肩胛 238元
A5 認証和牛，看到漂亮既雪花，已經急不給待地把它放入濃湯涮一涮。
薄薄一片的A5 和牛，帶給舌尖濃郁的牛香，一切盡在不言中！五秒鐘的涮涮，涮出無可取代的和牛味！
火鍋料理方面，
頂級桂花蚌 138元
超爽珊瑚蚌 128元
招牌手打三寶丸 108元
都係非吃不可的推介。
頂級桂花蚌 138元
頂級真係頂級！
有理由相信桂花蚌係活割既海鮮。
蚌類特有既鮮甜和清爽的口感，滾過後沒有縮水，很好味！
超爽珊瑚蚌 128元
珊瑚蚌保証係別的火鍋店食唔到的爽、彈、厚肉！
爽脆既珊瑚蚌說明材料既新鮮度，肉厚証明大廚係精心切割，讓客人食到啖啖肉的快感。
招牌手打三寶丸 108元
每間火鍋店都話自己的丸係手打，可惜質素參差不齊。所以手打已不是神話，但係每一間火鍋店，我都會以試佢地嘅手打丸。
因為從手打丸嘅美味程度，已經可以真實地反映到嗰間火鍋店究竟係咩級別，仲有，有無用心做食材！
窩心鍋既手打丸一流，蝦丸咬落去全部係彈牙既蝦肉。
墨魚丸既墨魚味十足，唔知，真係以為自己食緊墨魚。
鮻魚球更係一絕。大廚幾乎係冇用任何麵粉嘅情況下，直接用鮻靚魚肉加陳皮打成。可以明顯食到陳皮香同鮻魚鮮！
手打丸之出色，睇得出窩心鍋用美食征服食客既誠意。
蜂巢豆腐 38元
濃湯再加入各種牛肉、豚肉、海鮮的食材之後，味道變得更有層次，要把握濃湯的精華，最後一定要用蜂巢豆腐，將靚湯的精華盡情吸收！
鬼馬嘅佢，話係呢個聖誕仲未送花，揾人送左個 "百花齊放" 俾我，嘩，真係驚喜十足。。。。
翠綠的野菜拼成一個花籃，好靚，層層的淺綠、翠綠、墨綠，好有心思！這裡的大廚太有才藝了，每道菜都用足心思，讓食客感動莫名。
今晚，我真係食得好滿足，好感動。
真心好想為窩心鍋寫第一篇食評，希望更多食客知道呢間隱藏在棉登徑內嘅火鍋天堂，通宵寫完食評，唔好俾人搶閘！
一切由讚好開始，希望窩心鍋繼續帶比大家窩心嘅美食回憶。
張貼
