禾日

希慎廣場地庫兩層原來已經變咗做美食廣場！呢間新開嘅日式餐廳提供刺身、壽司🍣、丼飯、鍋物、串燒等等, 亦有二人套餐, 款式選擇相當多呢！🥢銀鱈魚西京燒 推薦👍🏻 魚皮略帶焦脆, 肉質非常嫩滑, 充滿魚油香, 魚肉帶有味噌獨特嘅甘甜風味, 調味出色, 非常味, 好滿足🤤～～🥢厚切牛舌食牛舌一定要係厚切, 特別有口感！牛舌燒得啱啱好, 滲透住油香, 肉味香濃, 口感又嫩又爽彈～🥢燒年糕煙韌嘅年糕會配上特製海苔醬油🥢蒲燒鰻魚丼賣相幾精緻, 鰻魚份量都足夠, 肉質軟嫩, 配上甜甜嘅蒲燒鰻魚醬汁, 下飯一流！