榮發茶餐廳

營業中

休息中

深圳有唔少標榜港式口味嘅茶餐廳，雖然只係一河之隔，但作為香港人，完全食得出兩者嘅分別。為何過關後總是肚餓呢？所以坐巴士或火車由內地返到香港之後，巴士總站隔籬嘅上水榮發茶餐廳就啱晒，即刻醫肚先。鮮茄豬扒飯看似平常嘅鮮茄豬扒飯，原來醬汁係即叫即整！因為店主話預先整好嘅鮮茄汁，好容易會變酸，所以除咗夠晒熱辣辣之外，鮮茄汁仲多咗一份鮮甜味。另外，豬扒非常軟腍，好好味！乾炒牛河乾炒牛河雖然係茶餐廳常見嘅美食，但上水榮發茶餐廳嘅乾炒牛河夠鑊氣，炒得好食！每條河粉都炒到條條分離，唔會過分油膩；牛肉片大細啱啱好，非常新鮮；就連炒過嘅芽菜都保持爽脆。淨水餃最尾叫多碗淨水餃，水餃大大隻，餡料豐富，木耳、冬菇、鮮蝦，粒粒都好飽滿，又夠彈牙！