榮發茶餐廳

營業中

休息中

日來料海鮮加工，買左一斤有聖子，一斤有多花螺，一斤有多蝦，一條魚仔，共買$500有多。餐廳加工費$100一斤起。加多一大鍋雞粥，飲品共$1200，加埋海鮮，共消息$1800，6大2小。豉椒炒蟶子 聖子剛剛熟，豉椒炒有鑊氣，色香味俱全，極力推薦，今次加工非常乾淨沒有沙，值得讚許。三干煲仔饭 煲仔飯同樣出色，推薦推薦。裝修有一段時間，不過環境乾淨衛生冷氣十足，就服務員個個都有一點性格，說話方式容易令人誤會。

待應服務態度真的差勁，自己落錯單卻將責任推在顧客身上，我當時是很平靜地跟她說我唔係叫呢樣，她還要說你明明係叫呢樣，你係咪有幻覺呀，太離譜！另一方面，食物的水準亦欠佳，不達水平。其實本人今次是屬於第一次次去幫襯，最初行入去是以為有粥食才進入，入去後原來無，回想當時入到去見午市都冇乜人就應該離開，結果中伏！

永發粥麵小菜王睇完演唱會，去到1:00凌晨已沒有什麼好吃，轉車去上水睇到這一間二十四小時營業的餐廳，就是傳統的門面有魚缸那一種，因為夜麻麻都滿晒，所以等咗成15分鐘才有嘢食。兩味小炒，一味就是炒蛋，另外一味就去京都排骨，叫了一碗飯，諗住都唔好咁飽啦夜麻麻，點知太惹味再叫另一碗白飯，真心推介這個京都排骨俾大家，因為實在太邪惡。再加傳統玻璃樽裝汽水忌廉，將口味提升到極致，邪惡的肚腩就是這樣煉成的。

夜麻麻搵唔到野食一定係坐去上水，因為榮發一定未關，會有野食🤣小菜同煲仔飯真係必叫，再加個凍檸樂，就perfect! 椒鹽魚同鮮魷雙拼無質疑🤣次次嚟都叫鳳爪排骨煲仔飯我最中意食飯焦，每次都會焗耐啲先食🤤

今日嚟到上水見到一間茶記有煲仔飯。由於我好鐘意食煲仔飯，一於試下佢。佢嘅煲仔飯都有好多唔同嘅選擇。最後揀咗試下佢嘅冬菇滑雞煲仔飯。佢係即叫即整，要等大約25分鐘左右有得食。落單嘅時候，店員都會提下煲仔飯係要等下。第一口咁食，就感覺到煲仔飯嘅香氣略為欠缺，但都有冬菇嘅香味。雞肉都算係煮得得恰到好處，仲有肉汁，未至於好柴。煲仔飯底部嘅米飯，經過長時間火力煮熟，米粒飽滿，口感香軟。煲仔飯最緊要係有飯焦，如果冇飯焦嗰個煲仔飯會令人好失望。佢呢個係有少少金黃嘅飯焦，如果煮多陣令到個飯焦更完整就好啦。佢都有附送煲仔豉油，個豉油唔係甜口嗰隻，偏鹹少少。整體嚟講，呢個煲仔飯都係正常嘅水準之作。如果行經嗰頭又好想食煲仔飯嘅話都可以試下嘅。

以前成日都食呢間餐廳嘅！自從疫情後，已經少咗來幫襯，事隔年半後再次嚟幫襯，唔知係咪自己口味改變定係真係差咗，d野食大不如前！叫左個小炒王，用埋自己個招牌做自己個菜名，點知就令人失望，首先就太油，而且可能天氣太熱豆腐卜欠新鮮生菜除咗多咗少少油之外，整體上都滿意！至於肉餅方面！其實都唔係太差！味道適中！用嚟送飯就最正喇！可以合格！最後叫咗煲仔飯，我唔記得咗影相！賣相就靚，但味道就比以前差得比較遠，冇咗以前果種飯香氣，叫咗個鳳爪排骨飯同埋白鱔煲仔飯，排骨就比以前瘦咗啦，比較多骨同肉少！令人感到有啲失望！至於白鱔就不是好入味，如果再入味d就會更加好！整體上嘢食就有進步嘅空間！服務就喺茶餐廳裏面叫好！環境就ok不過不失！

上次食過昵到既點心都吳錯，所以呢間食肆係一定可以反轉頭再去，今日又去食下其他嘢先😋😋午餐精選：豆腐火腩飯———-男人的浪漫😬😬😬😬好夠鑊氣又夠熱辣辣，有菜有肉，味道夠味又不會過鹹，✌️✌️✌️✌️✌️自制手打🐠魚蛋麵——-魚蛋好有魚味，食落彈牙爽口，麵質又彈又爽夠口感，湯又鮮甜零味精✌️✌️✌️✌️✌️凍檸🍋茶——-茶夠味，🍋又好味😬熱🍋茶🍵——茶夠香濃，🍋——————————————————下次食下晩飯小炒，我唸應該D小炒都會吳錯

趕工作，趕車，趕趕趕，近來乜都趕餐死，吳知食乜，見到有間24小時既餐廳，其實之前有上open rice search過，不過吳知係邊，今日無意間見到，✌️✌️✌️✌️✌️好耐無食過點心，甘就叫飲茶三寶啦通常D人飲茶大部分人都會叫鳯爪，排骨，🐔扎，係我自己叫佢做三寶者😂😂😂😂鳳爪排骨，有肉的排骨，無肥羔痴住，調較味道吳錯😊鳳爪，炆得夠入味，又不會太咸✌️🐔扎，材料足，味道也👌🍋水，其實我係叫🍋茶的，不過無所謂😂我通常吳會落糖飲，🍋都無苦澀味👍✌️👏👏👏👏👏👏👏👏其實仲有好多嘢食，我見到人地食火鍋幾想食😂，又有小菜，又有粥粉反面，最好就係佢24小時營業，我可以任何時間都去得，最重要係佢D食物ok，服務又吳差，可以回頭再吃其他嘢✌️✌️✌️✌️😬😬😬😬

前排天氣凍，朋友話帶我去食佢細個成日食既茶餐廳，話煲仔飯都幾出名。不過我就唔太好煲仔飯，所以單點左個西檸雞+飯。西檸雞一碟有都有~10舊大雞肉，每舊都係岩岩炸好出爐，熱辣辣。雞肉非常滑嫩多汁，金黃色既下皮脆卜卜，即使浸到d汁都冇腍到。而落左好多檸檬去煮既汁又唔會過酸，證明蜜芽糖份量拿捏得準確，用黎撈飯就一流。而朋友叫左滑牛窩蛋煲仔飯，即叫即煲，飯夠熟，粒粒分明，但好奇怪地落哂成碗豉油都唔夠味。值得一讚既係煲仔飯既師傅好用心，見到佢一邊煲一邊微笑，睇得出佢真心鐘意自己份工。整體黎講，環境、餐具乾淨，小菜真係幾好食。不過價錢偏貴，一煲仔飯、一西檸雞、一白飯，二人埋單都要$177同埋老闆態度再友善d就更好…

零晨一點的孤單晚餐，繼續茶記。繼繼繼續一人火鍋！嬸嬸：您連打三晚喎，得唔得架？雷：邊個話我唔得架，唔打唔舒服，晚晚打都得呀！嬸嬸們依舊熱情款待，鬍鬚叔叔都夠親切，客似雲來好多食客一浪接一浪喎，什麼大日子呀？湯底眾多，不要急不要忙，要續一擊破。忌廉冰底，無人同您打，就自己邊爐自己打！怨氣極重，黎個巨蓮加冰順順條氣先！胡椒豬肚雞鍋，湯底比大埔翠榮咸菜胡椒豬肚雞更濃更甜更好味！不單調多配料多層次，芫茜、芹菜、蒜子、紅椒、腐竹、等等等，越神秘越想追住飲！雞肉質素同樣係大埔翠榮之上，肥雞肉質非常嫩滑，鳳脂甘甜不油膩，雞味濃濃。食晒枝竹、豬肚、滑雞、紅椒、蒜子、生菜，再飲多三四碗湯，開心飽飽！如果有粉腸就好喇，如果有蘿蔔冬瓜就好喇﹗唐生菜，全部一次過落鑊一鑊熟 ﹗給點耐性浸腍一點，半爽半腍好食好食。讓菜味溶到湯汁之中，無可挑剔的湯汁，跟胡椒生菜魚肉湯一模一樣，飲完全身暖笠笠，腸胃好舒服。油麥菜，主攻食莖，鮮嫩極甜，灼一灼爽到似筍，煮到熟透軟腍就似瓜，索埋湯汁更好味。冬蔭功海鮮鍋，游水海蝦、花蟹、花蛤，平靚正無得頂！只收 $170 蚊抵食過 $210 蚊薑蔥炒蟹仔千倍萬倍啊！冬蔭功湯天皇級好味道，港

早點放拳，早點食飯，早點訓覺，我都有點睏喇。幾小時的劇烈運動過後，回到上水已晚上十一點左右咯，全力以赴減減磅，體能操爆，五肢無力，由頭散到落腳趾。費事返屋企煮咯，是但食飽歸家休息，黎招獨毒打冷啦！榮發茶餐廳滷水鵝豬紅同樣超掂超得，出乎意粒之外，難怪就算價錢略高一兩點，依舊客似雲來！我的榮發心燒食堂，深宵食堂，終於晚飯了。爆場座無虛席，嘈過街市，頭都痛埋！好采有帶headphone，可以塞住耳仔聽歌乍。最討厭榮發卡位設計，前後座連埋又無避震，後面條粉腸同條女十足屎忽痕一樣，左擰右擰，郁身郁勢，震那住晒，頂佢地咩！每位叔叔嬸嬸都好親切，笑容滿臉招乎周到，食得開心舒服。侍應哥哥傳來噩耗，潮州打冷將永久取消，老師傅榮休，我會好掛住豬紅同滷水鵝架，陰功豬。忍痛地擺脫戇豆的魔掌，依家鍾意幾時獨樂就獨樂，可樂就可樂！鍾意茶記就茶記，鍾意魚蛋粉就魚蛋粉！魔豆茶餐廳唔食、潮州粉麵唔食、大排檔唔食、快餐店唔食、西餐唔食、越南菜唔食、印尼菜唔食、等等等等﹗點解可以偏食到只食莖唔食葉，只食通菜、芥蘭及菜芯，西蘭花都只食莖唔食葉。唐生菜唔食、西生菜唔食、白菜唔食、菠菜唔食、西洋菜唔食、油麥菜唔食、豆苗唔食、黃帝

今晚從大陸過關回來, 上水好多食店都關了, 勁肚餓又想食飯, 即時諗起上水滙側榮發茶記,茶記係上水真係賣少見少了, 夜媽媽想食碟麻甩飯真係得佢咋~其實睇餐牌佢價錢係偏貴, 60-70蚊一個炒野, 70-90蚊一個小菜, 簡直係酒樓價錢~但如果俾貴20蚊左右, 佢炒得好, 有鑊氣我又覺得OK喎~我知夜媽媽唔應該食D咁油膩野架啦~ 但係真係好鬼肚餓~我叫咗個排骨炒面, 個炒炸得好脆, 中間仲有D軟既面, 個汁同排骨都炒面好香, 好滿足的一個宵夜~

上水要食夜粥，一直都去開馬會道那一間。昨晚朋友突然興致勃勃，試了一下這間榮發。食物款式頗多，因為想食粥品，所以試了滑雞粥、牛肉腸粉以及炸兩。先講一下滑雞粥，粥底是不錯的，綿而且滑，帶鮮甜。美中不足是滑雞稍稍不太滑，整體來說是不錯的，下次會試下其他粥品。牛肉腸粉合格有餘，腸粉很滑。最後是炸兩，油炸鬼香脆，再配番本身就滑的腸粉，本應非常美味，可惜鼓油太咸，破壞了整碟炸兩。下次會叫鼓油另上。雖然美中不足，但仍然會給正評，尤其是粥品，值得期待。

小編第二次黎食羊腩煲😎😎😎😎😎有驚喜🤣🤣🤣🤣🤣要分享!!!!!!!!!店員態度好好 今日羊腩煲好靚wo 要唔要試下嘩 咁推介 唔系唔試下化😂😂😂😂堅系好正 一擺上枱就知度我會食唔停口系腩位 腩位 腩位!!!!!!!😍😍😍😍😍😍重點系一d都唔鞋丫!!!!!支竹又炸得靚 唔系好乾身又深啡色個d......正!馬提.....super super 新鮮 好甜 好爽!!!!!湯底好濃好惹味😋😋😋

冬冰冰 小編就會好掛住羊腩煲平時都見到好多人叫 所以決定一戰呢個羊腩煲一上枱 你會見至d羊腩好似好硬咁初頭我都有少少擔心唔好食待應解釋由冰箱拎出黎 要等個煲混先會淋好彩 佢真系淋 入面嘅份量三人剛剛好送上一碟西生菜 正炸枝竹 唔太油可惜冬筍如果系新鮮嘅 會更好食🙈🙈🙈