Chotto Maki (利源西街) (已結業)

係中環翻intern的日子無意中發現咗依間小店，當時仲未知佢係openrice竟然做到0%負評率，只係一心覺得好味到每個禮拜都要用佢黎安撫被工作催殘至死嘅心靈。唔想出街又住附近嘅可以用外送平台嗌翻屋企享用哦～𖤐❝Philadelphia❞ ($72)餐店招牌卷物之一，面頭有鰻魚醬汁﹑mayo﹑牛油果同蟹籽，卷物米飯細小而粒粒分明﹑質感偏硬，內裡包裹住嘅係三文魚同cream cheese，係外面應該好難食得翻依個配搭？！𖤐三文魚同cream cheese聽落好似大欖都扯唔埋，放係同一卷物入面竟然無衝突仲有驚喜，cream cheese口感軟綿細滑，層次比一般卷物豐富。三文魚同牛油果用料新鮮，加上新奇醬汁配搭口味特別。一試愛上之後好似就再無試過其他口味了～𖤐唯一可以挑剔嘅就係性價比麻麻地，如果平時食完一餐飽肚感有80%，依份卷物完食後飽肚感大概只得60%，男仔就應該唔夠飽添。𖤐𓂃𓈒 𓂂𓏸 用餐提示 𓏸𓂂 𓈒𓂃餐店鋪面比較細，主要都係做takeaway，都有幾張高凳可以堂食，店鋪裝潢簡潔有設計感。平日繁忙時間order時間算快，但經常要輪候15分鐘左右先可取餐點，趕時間嘅話要有心理準備～𖤐𓂃