米真鮮

營業中

休息中

好評可以係假，差評一定係真。話說係米線關注組見到呢間既介紹，話新開張大大碗好抵食，諗住支持下小店，就抱住一試既心態食下。叫左個雞件蕃茄米線，見到佢上個碗咁細都心感不妙，然後搵極都搵唔到d雞件，以為漏左，但店員堅持話有，最後比我係底搵到3件咁大把（見圖），呢種size點睇都唔似「雞件」，叫雞肉就差唔多，重點係一個$10餸，竟然得3舊咁細舊既雞！完全顛覆我對米線既認知！米線方面，份量極少不在話下，兩啖就食曬，好彩當日唔太餓，否則兩碗都未必夠飽。湯底味精重，食完要飲好多水。震驚之餘覺得太過分，門面幾靚都冇用，食物質素和份量真係令人咋舌。食飯都係為飽肚，比錢唔緊要，食飯比錢天經地義，但都要對得住個價錢，味道唔好至少都要飽肚，而家米線好貴？而家經濟唔好生意艱難，普通人何嘗唔艱難？但都唔代表可以當客人係水魚，將心比己，辛苦一日晚餐都要食唔飽真係咩心情都冇曬！警世！不可一不可再！