Nissa la Bella (差館上街)

營業中

休息中

星期五晚放工黎到上環差館上環呢間好有情調的法式小餐館食晚飯，位置離地鐵站有啲造遠，但裝修有特色、氣氛好好。坐低先點了杯紅酒，食啲餐包。尼斯洋葱鯷魚橄欖薄餅雖然叫薄餅，但其實是烤得香脆的麵包，甜甜地的洋葱加入了鯷魚，帶點咸香，兩者好夾。日本真姬蘑菇撻盒做得出色，撻皮鬆化又香脆!!鋪面的是滿滿的蘑菇，蘑菇下面係切得幼細的蘑菇粒，2種不同質感的蘑菇，好香!!再淋上creamy的特色醬，一件真係覺得唔夠!!菊苣沙律造型就似一朵盛開鮮花，好靚!!入面有車厘茄、核桃、芝士和菊苣，菊苣帶點甘苦，但再配上香梨的清甜，整體食落好清新！法式煎原條龍脷魚賣相不算討好，因為龍脷魚個樣有點惡！侍應俾我地影完相將魚去骨再上枱！魚肉鮮嫩肥美，而且好香。鍾意食魚的人，真係要試下。再點的忌廉菠菜，菠菜好嫩綠，大大粒薯仔夠飽肚，頗有新意的主菜配搭！杏脯撻配開心果雪葩，杏脯香甜，開心果雪糕濃郁，最精彩是下面的撻皮，做得鬆化香脆，好出色。這間小餐館真的貫徹法式風格，每樣食物都有賣相，而且味道有驚喜，難怪位置不算方便，晚市仍然吸引不少人專程黎幫襯。