料理農務 (已結業)

係PMQ食LUNCH閒閒地都2、3百一位，見依間$128/位(+10%)，個名又幾得意咪試下囉。Set Lunch可以選例湯或炒菜，小食和主菜一款，白飯和甜品。小食點了醋拌雲耳(絲) 和涼拌粉皮，上菜時嚇咗一跳，個小食真係好小喎，好似豉油碟咁大喳！到上主菜，青椒炒雞丁和酸甜魚塊，都唔期望份量大得去邊啦，味道還可以，個人覺得較重口味，果然越食越口渴。最滿意竟然是最後來既炒菜，係豆芽煮豆卜，可能已經無期望，所以感覺良好，似媽媽煮的住家菜！最後甜品是紅豆沙，應該話係紅豆水，豆還豆、水還水、一啲都唔起沙。整體成餐飯又細碟又唔飽食完仲勁口渴，真係差都無得再差！