影片
更多
2020-08-16
2870 瀏覽
呢間係第二次嚟食。第一次都好好地嘅，第二次就食到一肚氣😡由排隊入去，到坐低叫嘢都無嘢嘅，有個侍應更跪低聽我講要咩嘢食。呢方面係讚嘅☺️今次叫左自家製面包，餐湯，意大利飯同意粉。面包同餐湯都中規中矩啦，無話特別好食。佢嘅面包比其他中價錢嘅西餐廳嚟講，叫做好食少少。起碼個包皮係熱同脆，而個包都ok軟熟。食左包，飲完湯。我足足等左差唔多9個字先嚟到個意粉同意大利飯。係我等左半個鐘嘅時候，見隔離枱明明遲過我入座，但係都就快食完。咁我就問侍應個飯同意粉幾時到，係咪漏左單。佢過左一陣，大概一至兩分鐘之後就同我講要等多5至10分鐘。當過左10分鐘之後，我見個餐都仲未到，所以再問過，同叫佢check下我張單。然而今次係冇人答我嘅。到隔離枱走左，我都仲未有得食個main course。🤦🏾♀️過多陣，我足足等左9個字，個意大利飯終於到喇，一食落去，啲飯係未過心😖我明白意大利飯係比平時嘅飯硬身少少。但未至於去到咬落去”clock”再一聲。於是我就同個侍應講呢個情況，叫廚房再整過。當個飯整好，再次擺係我面，我朋友就問個侍應到底有冇check過，點解要咁耐。個侍應話，我之後再幫你睇睇。我個朋友見到佢同個副經理講
由排隊入去，到坐低叫嘢都無嘢嘅，有個侍應更跪低聽我講要咩嘢食。呢方面係讚嘅☺️
今次叫左自家製面包，餐湯，意大利飯同意粉。
面包同餐湯都中規中矩啦，無話特別好食。佢嘅面包比其他中價錢嘅西餐廳嚟講，叫做好食少少。起碼個包皮係熱同脆，而個包都ok軟熟。
食左包，飲完湯。我足足等左差唔多9個字先嚟到個意粉同意大利飯。係我等左半個鐘嘅時候，見隔離枱明明遲過我入座，但係都就快食完。咁我就問侍應個飯同意粉幾時到，係咪漏左單。佢過左一陣，大概一至兩分鐘之後就同我講要等多5至10分鐘。
當過左10分鐘之後，我見個餐都仲未到，所以再問過，同叫佢check下我張單。然而今次係冇人答我嘅。到隔離枱走左，我都仲未有得食個main course。🤦🏾♀️
過多陣，我足足等左9個字，個意大利飯終於到喇，一食落去，啲飯係未過心😖我明白意大利飯係比平時嘅飯硬身少少。但未至於去到咬落去”clock”再一聲。於是我就同個侍應講呢個情況，叫廚房再整過。
當個飯整好，再次擺係我面，我朋友就問個侍應到底有冇check過，點解要咁耐。個侍應話，我之後再幫你睇睇。
我個朋友見到佢同個副經理講緊嘢，就走埋去同個副經理講關於食物嘅質素同上菜嘅時間，又講個侍應冇理過我地。
個侍應答佢好忙。
我個朋友話隔離枱食完，埋左單走人，而我地差唔多等左成個鐘先有得食。(今日唔係坐爆)
個副經理話; 45分鐘咋嘛，隔離枱淨嚟左前菜，冇嚟主菜。(根據我嘅觀察，隔離枱係有叫main course ，有一碟係通粉。)
副經理答得45分鐘，即係有睇過張單幾時落。
其實漏單一啲都唔岀奇，只要肯好好咁講番句:唔好意思，我地漏左單，請等多陣。咁就ok，唔係係到死撐個15分鐘。
🤯比得咁嘅價錢，中價啦，唔要求食物要幾高質，啲服務要好到有五星級酒店嘅質素，但係都唔係咁嘅。
呢間真係冇下次！
張貼