元気寿司 (信德中心)

本人一直對食元氣都冇乜期望，但估唔到今次直頭係失望！叫咗幾碟壽司，啲魚生同嚿飯嚟到已經係分開嘅，再望一望，幾隻碟都有跡，心諗都算啦，話晒都只係元氣🤭

不過今次最令我驚訝嘅係，我今日一嚐帶子連殼嘅壽司😓👍🏻我夾咗啲洋蔥落口，咬落去個口感好似食緊沙石咁又刮口，即刻同返出嚟睇個究竟！勁囉！望一望隻碟，再睇一睇嚿壽司，幾塊女士們鍾意攞嚟做首飾嘅貝殼片竟然加咗喺帶子上面做點綴！

果然係好有創意嘅元氣壽司！