影片
更多
2014-05-20
2270 瀏覽
在葵芳已經食過多次上海婆婆,但質素越來越不穩定,已經放在不錄用既LIST,而今日在ISQUARE睇完哥師奶,忽然有個想食小籠包既衝動,原因不明.那麼就順路試下上海婆婆336吧.BTW套哥師奶睇完真係估你唔到,原來隻哥師奶係好既怪獸,好乖好可愛價錢比上海婆婆每樣貴幾蚊左右啦,咁呢度裝修比較好,當係食裝修啦$32 魚籽煙燻蛋 ,其實$16/1隻,圖為2隻,煙燻味點到即止,不會太OVER,蛋黃濃厚,魚籽既咸味剛好把整個味道調節得更好.薄荷葉多餘裝飾來.$52 沙参玉竹燉螺頭,味道當然鮮甜,什麼湯下螺頭也好飲.沙参玉竹迫出甜度,瘦肉加添肉香.選擇呢個既我只係想尋回飲湯既樂趣,屋企個工人鬼識咩$38 上海酸辣湯,偷飲左一口,覺得辣度酸度比較高,有種辣椒粉既香辛味,亦有類似辣椒乾既獨特風味,幾惹味.早知叫呢個比自己啦$30 阿蘇小籠包,應該改名叫巨籠包,有點似菜肉包既SIZE.點解叫阿蘇小籠包?算啦唔理啦.呢隻野可能等於人地既一籠4隻我一拎去個碗度,已經爆炸了,只怪自己無技術.無計,只能當灌湯餃享用.湯夠鮮甜,肉味香濃,皮夠薄,水準幾好.但肉味不足.服務員見到我,話其實要用飲管飲左湯先,只係遲左拎
價錢比上海婆婆每樣貴幾蚊左右啦,咁呢度裝修比較好,當係食裝修啦
$32 魚籽煙燻蛋 ,其實$16/1隻,圖為2隻,煙燻味點到即止,不會太OVER,蛋黃濃厚,魚籽既咸味剛好把整個味道調節得更好.薄荷葉多餘裝飾來.
$52 沙参玉竹燉螺頭,味道當然鮮甜,什麼湯下螺頭也好飲.沙参玉竹迫出甜度,瘦肉加添肉香.選擇呢個既我只係想尋回飲湯既樂趣,屋企個工人鬼識咩
$38 上海酸辣湯,偷飲左一口,覺得辣度酸度比較高,有種辣椒粉既香辛味,亦有類似辣椒乾既獨特風味,幾惹味.早知叫呢個比自己啦
$30 阿蘇小籠包,應該改名叫巨籠包,有點似菜肉包既SIZE.點解叫阿蘇小籠包?算啦唔理啦.呢隻野可能等於人地既一籠4隻
我一拎去個碗度,已經爆炸了,只怪自己無技術.無計,只能當灌湯餃享用.湯夠鮮甜,肉味香濃,皮夠薄,水準幾好.但肉味不足.服務員見到我,話其實要用飲管飲左湯先,只係遲左拎比我.唉,心急累事
$98 玫瑰菜炒魚絲,第一次聽到玫瑰菜,食落去好似咸菜咁既味,亦都係帶爽身.主角是魚絲,十分甜,淡淡肉,十分滋味,應該泡過油,雖魚味不是很濃,但起馬係全魚肉無溝野.
$75 野生椒牛仔肉,這晚夜最惹味既一道菜,2種椒既辣味,加上蒜頭頭豉和芹菜既各種風味,共冶一爐,補救了牛肉味不足既缺憾.又咸又辣,送飯一流.
$58 醬燒茄子,夠哂濃油赤醬,把平平無奇既茄子變成重口味又甜又有醬油香,姐係無魚香既魚香茄子,又一撈飯食物.如果將蔬菜煮到咁樣,小朋友必定唔偏食.健康另計
$68 336炒飯,整晚最不美味既一道,飯粒不夠乾身,無咬口,可能唔係冷飯,味道帶點美極既香,亦有黑椒味,但毫不惹味.這個款比起上海婆婆ORIGINAL既婆婆粒粒炒飯差得遠喔.我建議不要放生菜,此做法絕對會把飯整濕,生菜出水麻.把菜換上最穩陣既芥蘭段,用上冷飯吧.
$52 蔥花家常薄餅,外賣拎走比屋企人
$28 凍什果酒釀丸子,桂花香酒香被什果減低了,變得古古怪怪,還是最基本既酒釀丸子好食
$38 南瓜餅,外脆內軟,紅豆餡不太甜,算係唔錯喔
TOTAL:$659,不算貴,因為叫了很多,味道已經比上次小南國好得多.婆婆336既質素都幾好,呢餐之後都可以放番婆婆系列放落食用LIST.始終上海野既濃油赤醬係好吸引人,336比起上海婆婆更重口味,更合我心水.建議飲品多點選擇,只有汽水豆漿太少了.
張貼
