Burgeroom (美麗華廣場1期) (已結業)

環境燈光暗暗地，好浪漫。店舖好大間好寬敞。服務先坐低睇完餐牌揀好想食嘅就去櫃臺落單同比錢。侍應態度良好。上菜侍應落台前會講係咩黎先，確保食物是黎對的。大烤菇芝士牛肉漢堡好巨大嘅漢堡包，有一隻手掌高，廚師好窩心會用兩支竹籤吉住，之後切開一半，方便我地進食。烤菇好軟身，亦好有味，芝士溶得好自然好靚好均勻，牛肉煎得唔會好硬，而且好大舊，包皮都好厚。烤雙蘑菇漢堡有一層大烤菇，有一層有好多小蘑菇，好兩塊大番茄，菜同洋蔥，仲有特別嘅汁。味道好夾。牛油果醬芝士薯條有好多薯條，薯條都好長下，芝士均勻佈滿薯條，牛油果醬係芝士上面，亦都好均勻，佢嘅牛油果有調過，好特別。蜜桃冰茶係茶面有片綠色薄荷葉，好香桃味，有果肉，飲落好有口感。蜜桃茶用茶包沖的，好香桃味，慢慢品嚐，唔會覺得苦澀。