Burgeroom (美麗華廣場1期) (已結業)

近期特別喜歡食牛肉漢堡，Burgeroom早在銅鑼灣已經想試，食過的朋友都有推介好食，既然尖沙咀美麗華有分店當然更方便。 晚餐時間比較多人，所以選左平日中午時間黎食，同埋呢個時間可以買漢堡加$30要Lunch burger combo，會有薯條同飲品(可選熱飲，樽裝飲品，homemade tea等，飲品選擇多)。 呢到burger主要分幾類(牛肉，雞，魚)，對於漢堡我都係鐘情牛肉口味，今次呢個係<大烤菇芝士牛肉漢堡$108>，賣相好令人驚喜，好大個好足料，入面有蔬菜，蕃茄，芝士，大烤菇同埋牛肉，牛肉非常厚身，肉味不錯，大烤菇仍然保持水份，食落好juicy，外層麵包好軟熟，成個配搭令人滿意。 呢個HOMEMADE PEACH TEA同樣推介，入口好香桃味，味道唔會太甜，茶味同桃味比例好，仲飲到粒粒果肉，食完漢堡飲呢個茶我覺得好夾。