濠客蒸氣海鮮 (已結業)

今日同屋企人出黎搵飯食，見到有間新開既蒸氣鍋餐廳，價錢又唔貴，我地就入去試下喇。由於係新店，所有店舖裝潢都好新淨，而且好乾淨，所有爐具都係全新既，坐得都幾舒適。 我哋六點零就到，晚巿第一台唔洗等位😂 一坐低就放低咗魚皮畀我哋啦， 好香脆可以食住揀嘢食😋我地點左個黃金套餐，一黎就上隻青膏蟹🦀🦀🦀，蟹肉好鮮甜，而且都幾多膏，成隻蟹好新鮮。之後有原隻澳洲龍蝦🦐🦐🦐，龍蝦真係好生猛，係即劏架，放上架既時候仲識郁，龍蝦肉質好結實，味道爽甜，唔洗落任何調味料已經好好食。大推👍👍👍到貝殼類喇，全部都好大隻好新鮮，而且清洗得好乾淨，一d沙都冇，基本上都係唔洗點豉油就已經好好食。 食完哂海鮮同蔬菜就可以食最後既粥底喇，個粥吸收哂海鮮既精華好鮮甜，加少少胡椒粉特別好味，最後食左成3碗先走🤣🤣🤣