Burgeroom (美麗華廣場1期) (已結業)

朋友話想食 Burger ，就揀咗呢間餐廳。絕對係充滿工業氣息嘅餐廳，玩味十足，十分型格！餐廳有午市漢堡套餐提供，加$30配直薯條飲品。我點了一客「黑松露芝士大烤菇煙肉牛肉漢堡」。餐廳十分貼心，預先已經將漢堡切開，方便我地Share。漢堡包真係成座山咁高！層次分明，黑松露芝士夠晒惹味，仲有咬口十足嘅烤菇。主角牛肉漢堡咬落十分 Juicy，肉汁豐富，肉質好幼嫩。中間仲有好新鮮嘅沙律菜，同埋蕃茄，索索聲，中和返油膩感。朋友點咗一客「牛油果醬芝士雞柳漢堡」。牛油果配搭漢堡包真係新鮮感十足，而且營養豐富，又健康，又飽肚。芝士夠晒邪惡， 十分惹味。雞柳亦都好大塊，分量十足。薯條係新鮮即炸出爐，熱辣辣，香脆可口。熱焦糖朱古力榛子鮮奶咖啡餐廳位置都幾方便，就喺尖沙咀美麗華商場，約朋友聚餐十分方便。而且環境都幾舒適，同朋友傾計最適合。