香港大牌檔 (已結業)

多謝食家Babedolphin的推介, 今晚就專登嚟試吓呢度嘅焗豬扒飯. 一入門口, 有點意外, 晚飯時間只得兩枱客, 空櫈多的是? 坐定後才知道原來樓上還有雅座. 這裏的裝修多以不銹鋼和木, 還有個以玻璃間格着的厨房. 我個人倒認為這不是個好主意, 除非是用了內裏看不見外面的玻璃, 但我看又不是, 好明顯厨師是看到客人的, 這令到我作為客人會有點不安, 我看這也是大部份客人要坐樓上的因由, 無謂坐樓下俾人昅啦... 講番個飯, 等了一會就有得食, 不算太耐, 等的時候突然見到丹尼森嗎和兩個朋友步入, 就坐在我隔籬枱, 真人和上鏡一樣, 好有型呀! 真想請他唱番首空櫈來應吓景... 哈哈 焗豬扒飯 - 碟飯不是很大碟, 賣相不俗, 香噴噴的茄味頗吸引, 醬汁味道很好, 炒飯底做得夠乾身, 正! 而豬扒亦好腍, 入味! 整個飯做得很好, 值得推介! 唯一是價錢高了些, 如可送杯奶茶就真抵食了!